Ərəfə ruj, ibadət iyən qınoon baxşe ruj.

Imruj zilhəccə 9, Ərəfə ruj, ibadəti ruj, ruji ki qınoon baxşə be və tubə ğəbul be ruje, ruji ki mutəalə Xıdo məxsusə holətədə ıştə bandəon bəştə tərəf dəvət kardə.

Ərəfə islami yolə idonədəy və kəsi ki bızno ım rujədə Ərəfatı səhraədə bıbo yolə muvəfəğiyyət və xoşbəxtiş bə dast vardə.

Ərəfə ruj veyə əməlon və dıvoonış heste və bı rujədə həmməysə çokə əməl dıvoy,Xıdo kə milyonon zair,Ərəfə rujədə sıpiyə olət takardən və ləbeyk vote vote bə Ərəfatı səhra şedən.

hocion desbə məğrib ərəfatdə mandən və məğribi bəpeştə bə Məşərulhəramı tərəf hərəkət kardən.

Həccı mərasim sıbi əvvəliku desbə Zilhəccə 10 nə ruji həşi peme Məşərulhəramədə mandeədə dəvom pəydo kardə,zairon peso bə Mina sərzəmini tərəf şedən və Rəmye cəməre bəpeştə,ğıbun kardən və çəy bəpeştə Həlğ ya həmon sə mu toşe ya Təğsir sə mu kam karde iyən nanqıron qəte əməli əncom dodən

Təməto həcci coqlə vacibə əməlonku zilhəccə 11 və 12 minnə şəvonku desbə həşi əşe və nimə şəv Mina sərzəminədə mande və zilhəccə 11 və 12 minnə rujonədə Rəmye cəməratı əncom doeye..

coqlə əməlonku ki vəhy sərzəminı zairon bəpe əncom bıdən ta ıştə həcci kamil bıkən bə Məkkə oqarde və təvaf,təvaf nımoji vote,Səfa və Mərvə miyonədə səy,Nisa təvaf və Nisa təvafi nımoji voteye.