İslami inğilabi yolə rəhbəri: bə ğərb bovə pəydo karde cəvob ədə ni.

İslami inğilabi yolə rəhbəri, prezdent və devlət heyəti uzvon vindımonədə 12 minnə devləti fəaliyəti oxonə rujədə votışe: mıtləğən daxiliyə bərnamon bəpe bə ğərbı həmroəti karde anqıl məkən,çun ki hətmi məğlub bəbe.

İslami inğilabi yolə rəhbəri, prezdent və devlət heyəti uzvon vindımonədə 12 minnə  devləti fəaliyəti oxonə rujədə votışe:  mıtləğən daxiliyə bərnamon bəpe bə ğərbı həmroəti karde anqıl məkən,çun ki hətmi məğlub bəbe.

İslami inğilabi yolə rəhbəri Həzrət Ayətullah Xamenei  ımruj prezdent və 12 minnə devləti oxonə vindımonədə de Ğədir səidə idi bə həmmə mıslmonon və xususi bə İroni əzizə millət təbrik voteədə bə millət xıdmət karde fırsətış ilahiyə nemətış zınə və votışe: ım neməton şık kardeyu bəpe həmmə ğıvvəku,inğilabi hədəfon bə nav bardeyu istifadə karde.

Yolə rəhbəri devləti əməlon təhlil kardeədə votışe: cənab Ruhani devləti əməl mıxtəlif baxşonədə bərobər bə ni.

Bəzi vıronədə bə intizaron əsosi bə əmmo kali vıronədə jıqo bə ni.

Həzrət Ayətullah Xamenei 11 və 12 minnə devləton təcrubəonku istifadə karde zərurətiku, omə devlətdə işarəş karde və votışe: ım devranədə ve muhimmə təcrubəonku bə ğərb peştpur nımandeye ki omə nəsl bəpe çəyku istifadə bıkə.

Im devlətdə oşko be ki bə ğərb bovə pəydo karde nəticəş ni və əvon komək əkə nin.

 Har vırədə ki karde bıznon zərbə bəjen və əqər həm zərbə jedə nin çəy dəlil ıme ki karde zındə nin.

İslami inğilabi yolə rəhbəri bə prezdent və devləti uzvon xitob əlovəş karde  har vırəndə ki koonın bə ğərb və de Amerkə muzakirə karde anqıl karde muvəfəğ nıbin və har vırədə ki bə ğərb peştpur nıbeədə hərəkət və bəvonku ıştə omidın ğət karde muvəfəğ bin və bə nav şin.

Yolə rəhbəri bə Viyana tojə muzakiron işarəş karde və eyne holədə ki diplamaton  zəhmətonku ıştə roziyətiş elan karde və ım muzakironədə çəvon bəzion çokə əməlonku işarəş karde  , dəvomədə votışe: Amerkəvıjon ım muzakironədə ıştə inadinə siyasəton piyo  zumand mandin və 1 ğədəm həm bə nav nomin, Amerkəvıjon zıvon və vədəndə votedən  sanksiyaon pebəqətemon əmmo sanksiyaonışon  penıqəte və penibəqəten, eyne holədə  şərt həm nodən və votedən ki bəpe ım  sazışədə qıləy cumlə əlovə bıkəmon ki peşo, kali məsəlon həxədə qəp bıjənəmon və əqər jıqo nıbo sazış nibəkamon.

Həzrət Ayətullah Xamenei votışe: əvon pidəşone ım cumlə əlovə kardeədə atom sazışi əsl iyən rəketi məsəlon və məntəğə movzoonədə mudaxilə kardeyu bəhonəşon bıbo və əqər İron çəvon həxədə bə bəhs karde hozzı nıbo bıvoto sazışın darıştə və həni sazış ni.

Yolə rəhbəri işarəş karde ki Amerkəvıjon kamilən cıvonmerdiyətiku kəno və xəbisə rəftoronışon heste və əlovəş karde Amerkəvıjon ıştə vədə iyən əhd peymoni darışteku heç qılə tars iyən şərmışon ni jəqo ki 1 kərə sazışışon darışte və kamilən həm çəy vədə heç qılə cəvob iyən ziyanışon nıbı ısət həm ki bə Amerkəvıjon votə bedə qarant bıdən ki bə vəy omə rujonədə sazışi bə lınqi ji nibənon  votedən qarant dodə nimon.

İslami inğilabi yolə rəhbəri sıxanonku nav prezdent Həsən Ruhani 8 sorə devrədə inğilabi yolə rəhbəri devlətiku himoyəon və hidayəton xoto təşəkkurış karde və devləti koon və fəaliyyətonku məlomatonış bəyon karde.