İronədə bıə Koranavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə de təəsufi 536 nəfər Koronavirusi mıbtəlo bıə noxəşon İronədə ıştə coni dastiku doəşone.

Bə İrib raporti əsos raporti dəvomədə ğeyd bıə: ısət ım pandemiya nəticədə İronədə mardə kəson miğdor bə 95647 nəfər rəsə.

Tojədən 42541 nəfər bə Koronavirusi mıbtəlo bıə kəs İronədə peydo bin ki çəvonku 4865 nəfər noxəşxonəonədən.

İronədə tosə bə ısət 4281217 nəfər Koronavirusi qətəşone ki de xoşbəxtiyəti noxəşon miqdoriku 3618224 nəfəri hal-əhvol çok be və əvon noxəşxonəonku mırəxəs və ozod bıən.

Bə oxonə raporti əsos, Koronavirus tosə bə ısət 204 milyon nəfəri mıbtəloş kardə ki çəvonku 4 milyono 328 nəfər ıştə coni dastiku doəşone.