Ğasımi:Trampı sıxanon təhlil karde vədə bəpe səbr bıkəmon.

İroni xarici koon vəzorətxonə sıxanəvot islamə fobiya barədə Amerkə tojə prezidenti sıxanon təhlilış bə omə rojon ovıştınişe.

İroni xarici koon vəzorətxonə sıxanəvot Bəhram Ğasımi zinə daxili və xariciyə jurnaliston iclosədə ironi beynəlxalğə kanalon jurnalisti cəvobədə  islamə fobiya barədə Amerkə tojə president Donald Trampı sıxanon həxədə votışe:Amerkə nakonə prezidentonku bə kəno  ki təğribən çəvon təbliğatiyə devranədə çəvon devləton siyasəton məlum bin Trampı devləti barədə hələ nibəbe dəğiğə təhlil əncum doe.

Ğasımi votışe: Amerkə tojə president dınyo coqlə məsəlon vədə həm  coə  nəzəronış bəyon kardə və ıştə sıxanon dəvomədə əlavəş karde ısət Trampı siyasəton və fikonku  nibəznemon dəğiğ və ruşinə  təhlil bə dast varde bəpe zəman dəvardo ta beynəlxalğə məsəlon barədə Amerkə hakim bə devlət və heyət məntəğə və beynəlxalğə nəzəron təhlil bıkəmon.

ironi xarici koon vəzorətxonə sıxanəvot həmçinin Astanə şəhri muzakiron və ımki İron Rusiyə və Turkiyə de Suriyə devlət  muxalifon bə muzakirə karde dəvət kardedə votışe: bənə nəzorət əkə unvani 3 qılə məmləkəti iştirak kardeədə muzakiron hidayət kardəmon.

ironi xarici koon vəzorətxonə sıxanəvot Astanə muzakiron əsosə məsələş otəş basti bərpo kardeş zınə və əlavəş karde ım iclosi muhimmə xosiyət ıme ki fəğət can qılə məmləkət ım baxşədə bə arə dəşə  və məntəğə muhimmə məmləkəton İron Rusiyə və Turkiyə ım muzakiron bino əkanku hestin.

Ğasımi ərəbon ittifağədə de bəhreynı xariciyə koon vəziri doə məsləhəti əsosi bə ironi zid daimiyə komitə təşkil doe barədə  həm votışe: bəhreynı  Bəhreyn daxiliyə bohranədə dim bə dime  və ictimaiyyətdə bıə fikon bə xətoə roon tərəf bardeyu ale xəlifə xariciyə deşmeni domoədəy.

ironi xarici koon vəzorətxonə sıxanəvoti votışe:əqər ale xəlifə rejimi rəhbəron bə həğiğəti diğğət bıdən  ıştən bəinden ki çəvon idda coqlə məmləkəton əcumlədə iron islam respublika barədə be əsosi.

Ğasımi irağədə ironi tojə səfiri təin karde və bəzi məmləkəton əcumlədə Səudiyyə Ərəbıstonı reaksiya barədə votışe: bəzi məmləkəton tərəfiku bə ironi zid bıhtonon je iyən nifrət pevılo karde qıləy tojə məsələ ni və çəvon niyyət həm çı koyku oşko heste.

ironi xarici koon vəzorətxonə sıxanəvot eyne holədə işarəş karde irağədə ironi tojə səfiriku yod karde mediyaon nəzə heste və tojə səfiri təin karde bəpeştə lozim bə zəmanədə çəy xəbə həm nəşr bəbe.

 ğasımi həmçinin votışe: rohinqiya mıslmonon tale barədə Malaziya məmləkətdə islamiyə həmkarəti təşkilati tojə iclosi barədə işarəş karde və votışe: ironi xariciyə koon vəzorətxonə ve ciddi rohinqiya mıslmonon məsələ domoədəy və çimiku bə nav həm ironi xarici koon vəzir qıləy məktubədə bə İ bə milləti təşkilati rəisi  çəy nəzəş bə ım məsələ cəzbış kardə.

Ğasımi ommidvar mande beynəlxalğə fəaliyyəton islamiyə həmkarəti təşkilati royku rohinqiya mıslmonon həxi bərpo kardeyu bə nəticə bırəso.

ironi xarici koon vəzorətxonə sıxanəvot ım xəbəriyə iclosi əvvələdə tehroni Plasko nomo bıə ticariyə mərkəzi hadisədə bə rəhmət şə kəsonku yodış karde.