De Həzrət İmom Zeynulabedin(ə) şəhodəti sorəqardışi mınosibəti təsliyət.

Imruj şanbə hicri ğəməri 1443 nə sori Məhərrəmə manqi 12 bərobər de miladi 2021 minnə sori avqosti 21 Xıdo rəsol(s) pokə ailəku Həzrət İmom Huseyn(ə) fərzənd Həzrət İmom Zeynulabedin de Həzrət Səccad(ə) ləğəbi əzizə imomi şəhodəti sorəqardışe.

Imruj şanbə hicri ğəməri 1443 nə sori Məhərrəmə manqi 12 bərobər de miladi 2021 minnə sori avqosti 21 Xıdo rəsol(s) pokə ailəku Həzrət İmom Huseyn(ə) fərzənd Həzrət İmom Zeynulabedin de Həzrət Səccad(ə) ləğəbi əzizə imomi şəhodəti sorəqardışe.

Dınyo şiəyon 4 minnə imom, İmom Zeynulabedin(ə) hicri ğəməri 38 nə sori Mədinə şəhrədə bə dınyo omə Həzrət qıləy devranədə jidə be ki islami əzizə peyğəmbər(s) ailə ve təziği jiyədə bin.

Həzrət İmom Səccad(ə) li Kərbəlo hadisədə noxəş be, İmom Huseyn(ə) əzəmətinə ğiyami bəpeştə ım ğiyami mesaji nəşr karde qonə məsuliyə iyən ıştə əzizə dədə ro dəvom doe məsuliyətış bə ehdə qəte və ım ğiyami mahiyyət iyən erj və əhəmmiyyəti nışon doeyu veyə cəhdış karde.

Şiəyon 4 minnə İmom islamiyə tarix və mədəniyyəti binoədə iyən Kərimə Ğıroni erjinə təlimaton inkişaf doeyu cəhdış karde və de  xususiyə nəzəron, mıslmonə alimonış tərbiyət karde ta çı royku Kərimə Ğıron və islami əzizə peyğəmbər(S) rəsm-adəton hifz bıkə.

Həzrət ləyoğətış bıə insonon cəm kardeədə bəvon diniyə təlimaton dodə be jıqo ki bə tarixi rəvoyəton əsosi Həzrəti məşhorə şaqirdon 170 nəfərisə ve ğeyd bə.

İmom Səccad(ə) mıslmononru erjinə mirosonku qıleni “Səhifeye səccadiye” nomo bə kitobe ım kitob hər çənd dıvo və ibodət karde ğolibədəy, əmmo islamiyə elmon və məarifi xəyli həğiğəton iyən irfani, şəreiyə ğanonon və hıkmon iyən siyasi , ictimaiyyət, tərbiyəti və əxlaği muhimmə məsəlonış heste.

İron İslam Respublika telerədyo de İmom Səccad(ə) şəhodəti sorəqardışi mınosibəti bə dınyo həmmə mıslmonon xususi bə şiəyon təsliyət votedə.