İronədə Koronavirusi şiddəti kam bey dəvom kardeydə.
Sep 18, 2021 07:06 Asia/Tehran
Tosə bə ısət 27790835 nəfər İronədə Koronapeyvəndi iminnə doza jəşone iyən 13459625 nəfər həm de 2 minnə doza jəe vaksinə bıən, ım yəni 41250460 nəfər tosə bə ısət İronədə Korna peyvəndi jəşone.
Bə İrib raporti əsos, İroni səhiyyə vəzarətxonə elanış karde: dəvardə 24 saəti mıddətədə de təəsufi 364 nəfər Koronavirusi mıbtəlo bıə noxəşon İronədə ıştə coni dastiku doəşone.
In raporti dəvomədə ğeyd bıə ki ısət ım Korona pandemiya nəticədə İronədə mardə kəson miğdor bə 116436 nəfər rəsə.
Xəbə omə ki tojədən 17605 nəfər bə Koronavirusi mıbtəlo bıə kəs İronədə peydo bin ki çəvonku 2537 nəfər ijən noxəşxonəonədən.
De xoşbəxtiyəti noxəşonku 4708195 nəfəri hol-əhvol həm çok bıə və əvon noxəşxonəonku mırxəs bıən.