De Ərbəine Huseyni(ə) mınosibəti təsliyət-İslamiyə İron matəm və əzadarətiədəy.

İslamiyə İron Ərbəine Huseyni(ə) şəvədə, Həzrət imom Huseyn(ə) və həzrəti vəfodorə əshabi şəhodəti 40 minnə şəvədə matəm və əzodorətiədə be.

İslamiyə İron Ərbəine Huseyni(ə) şəvədə, Həzrət imom Huseyn(ə) və həzrəti vəfodorə əshabi şəhodəti 40 minnə şəvədə matəm və əzodorətiədə be.

Imruj 2 şanbə hicri ğəməri 1443 nə sori səfərə manqi 20 (2021 minnə sori sentiyabri 27 dınyo şiəyon 3 minnə imom Həzrət imom Huseyn(ə) və həzrəti vəfodorə əshabi şəhodəti ərbəin Kərbəlo səhraədəy.

Dınyo sərosəriku mincumlə İron İslam Respublikaku çandə milyon zair bı rujədə Ərbəine Huseyni(ə) mərosimədə iştirak kardeyu bə İraği cənub Kərbəlo şəhr daxil bedən.

Həzrət imom Huseyn(ə) və həzrəti vəfodorə əshab hicri ğəməri 61 minnə sori məhərrəmə manqi 10 nə ruji Kərbəloədə bə şəhodət  rəsedən.

Həzrət imom Huseyn(ə) kərbəlo hadisə bəyonədə Məkkə bə Kərbəlo roədə desbə şəhodəti zəman oşkoə sorətədə  işarəş kardə çıman hərəkəti məğsəd Yəzidı bə islami zid hukuməti oşko karde, bə çokə koon əmr doe və bə bevəcion mane be iyən zılm və sitəmi vədə mande və ğəyrəz kərimə ğıroni himoyəon və Muhəmməd(ə) əslımandə islami dini bəji oqəteku kəno coqlə hədəfış bə ni.

İroni millət zinə şanqo  şəhidon salari şəhodəti 40 minnə şəvi mərosim bə səhiyə protokolon əməl kardeədə bənə Tasua və Aşuraye Huseyni(ə) şəv-rujon xiyabanon və ojə vıronədə əzadarətişon karde.

Nohə hande və sinə və zəncir je və həzrət imom Huseyn(ə) barzə erj və vırə iyən şəxsiyyəti həxədə sıxan karde islami ironi  mumin və Huseyniyə milləti muhimmə bərnamonku Ərbəine Huseyni(ə) şəv iyən rujədə be.

İron İslam Respublika telerədyo de Ərbəine Huseyni(ə) mınosibəti bə həmmə mıslmonon xososi dınyo şiəyon dınyo ozodəti tələb kardə kəson səbəsəloməti dodə.