İnğilabi yolə rəhbəri:oşko bıkə hərəkəton deşmenon təbliğatinə hucumon be əsər bıkəy.

İslami inğilabi yolə rəhbəri deşmenon hucuminə təbliğatonku bə İroni milləti de mıxtəlif roon çəvon fikonədə təsir noeyu işarəş karde və oşko bıkə hərəkətonış təbliğatinə hucumon vəy əqətış zınə.

İslami inğilabi yolə rəhbəri  deşmenon hucuminə təbliğatonku bə İroni milləti de mıxtəlif roon çəvon fikonədə təsir noeyu işarəş karde və  oşko bıkə hərəkətonış  təbliğatinə hucumon vəy  əqətış zınə.

Bə yolə rəhbəri dəftərxonə məlomat ərosnə mərkəzi elani əsosi islami inğilabi yolə rəhbər Həzrət ayətullah Xamenei ımruj şəhidon sed və salar Əba əbdillah Əl-Huseyn(ə) və həzrəti vəfodorə əshabi şəhodəti ərbəinədə de Tehroni ali məktəb(tələbəon cəm bə vırə) de vidio roy , mərhom imom Xomeyni huseyniyədə təşkil doə əlağədə qıləy kırtə ehandımonədə Aşura desbə Ərbəinı zəmanış islam tarixi ve muhimmə zəmanış zınə və votışe:əqər Aşura ruj əziz və yolə conon mucahidət və fədakarəti barzə mərhələ be, çı hadisəku 40 ruj dəvarde bəpeştə həm mucahidəti barzə mərhələ həğiğəton oşko kardeyu be və ım imom Səccad, Həzrət Zeynəb və cənab ommokolsomı mucahidanə oşko bıkə hərəkət iyən Xıdo rəsol(s) ailə foğəladə səbr ə  fədakarətionış komil karde və bə Kərbəlo  ğiyomi əbədi mande bois be.

İslami inğilabi yolə rəhbəri deşmenon bə İroni milləti zid təbliğatinə hucumon de mıxtəlif roon çəvon fikon piyo təsir noeyu işarəş karde və oşko bıkə hərəkətonış,  təbliğatinə hucumon be əsər əkəş znə və əlovəş karde şımə əzizə tələbəon ki milləti dıli mivə və məmləkəti həğiğiyə ommid hestin, bə həğiğəti oşko karde məsələ əhəmmiyyət doeədə har qılə bənə qıləy ço ıştə ətrofi ruşin bıkən və şəh-şubhəon oşko bıkən.

Yolə rəhbəri məsələon oşko karde və bə şək-şubhəon cəvob doeyu virtoal aləm və mediyaonış çokə ro zınə və votışe: əlbətdə cihadı məsələdə təğiyə əsl həğiğəton oşko karde, əxlağiyə roonku istifadə karde və məsəlon bəyon karde de məntiğ, mətanət , komilə əğlaniyyət və insoniyə əxlağiku bəhrə bardeədə iyən dımjon, bıhton, duə sıxan və fəribkarətiku duəru mande ictimaiyətdə bıə fikon vədəy.

Həzrət Ayətullah Xamenei , cəvonon de fik, əğlaniyyət və veyə aqahətion zumand beku ıştə  şo mandeş elan karde və ruj bə ruj ım xosiyəton zuman karde zərorətiku işarəş karde və votışe: Həzrət sed şuhəda ro mubarək və şinə roy ki bə ğətiyə səbarzəti rəsedə və şımə cıvonon  de Xıdo izni karde bəznen çı ro iyən noraniyə məarifiku ilham seədə məmləkəti bə maddi və mənəviyə səadəti barzə vıron rosne.