İronədə Koronavirusiku oxonə xəbon.
https://parstoday.ir/tly/news/iran-i28580-İronədə_koronavirusiku_oxonə_xəbon.
İroni səhiyyə vəzarətxonə elanış karde: dəvardə 24 saəti mıddətədə iyən bə Koronavirusi mıbtəlo bıə noxəşon miğdoriku kam bıə və noxəşon miğdor bə 217 nəfər rəsə.
(last modified 2025-07-21T04:34:09+00:00 )
News   /   İron

İronədə Koronavirusiku oxonə xəbon.

Oct 03, 2021 10:38 Asia/Tehran
  • İronədə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə iyən bə Koronavirusi mıbtəlo bıə noxəşon miğdoriku kam bıə və noxəşon miğdor bə 217 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor bə həm 120880 nəfər rəsə.

Xəbə omə ki tojədən 10135 nəfər bə Koronavirusi mıbtəlo bıə kəs İronədə peydo bin ki çəvonku 1673 nəfər noxəşxonəonədən.

İronədə tosə bə ısət 5611700 nəfər Koronavirusi qətəşone ki çəvonku 5075482 nəfər noxəşxonəonku mırxəs bıən.

Koronavirus tosə bə ısət dınyoədə 230 milyon nəfəri mıbtəlo və 4734000 nəfəri coni qətəşe.

Bə oxonə statestikaon əsos, tosə bə ısət 40063570 nəfər İronədə Koronapeyvəndi iminnə doza jəşone iyən 16532554 nəfər həm de 2 minnə doza jəe vaksinə bıən, ım yəni 56596124 nəfər tosə bə ısət İronədə Korna peyvəndi jəşone.