İronədə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 42 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor bə həm 130764 nəfər rəsə.

Əsət və 566 ruji bəpeşt, İronədə Koronavirusi nəticəku mardə kəson miğdor bə 50 nəfəriku beji rəsə və kam be.

Xəbə omə ki tojədən 2706 nəfər bə Koronavirusi mıbtəlo bıə kəs İronədə peydo bin.

İronədə tosə bə ısət 6157519 nəfər Koronavirusi qətəşoneş.

Bə oxonə statestikaon əsos, tosə bə ısət 58778763 nəfər İronədə Koronapeyvəndi iminnə doza jəşone iyən 49560783 nəfər həm de 2 minnə doza və 2745192 nəfər de 3 minnə doza jəe vaksinə bıən, ım yəni 111 milyono 85 həzo 738 doza tosə bə ısət İronədə Korna peyvəndiku istifodə bıə.