İroni tərəfiku rəketon imtivoniku dəvone cokəson səlahiyyətiku bə kənoy.

İroni xarici koon vəzorətxonə sıxanəvoti votışe:rəketon imtivoniku dəvone əmniyyət iyən milliyə faydonku mudafiyə kardeyu İron İslam Respublika oşkoə həxe və çəy barədə qəp jəe har qılə məmləkət iyən beynəlxalğə təşkilati səlahiyyətiku bə kənoy.

İroni xarici koon vəzorətxonə sıxanəvot zinə əsrə vaxti votışe:ironi rəket  bərnamon sırf mudafiyə mahiyyətış heste və ironi heç qılə balestik rəketon atom silah həml kardeyu soxtə bə ni və həminə məsələ xoto İ bə milləton təşkilati əmniyyət şura 2231 ğətnamə səlahiyyətdə həm ğəror qətedə ni.

Ğasımi işarəş karde ki İron ıştəku mudafiyə karde xoto heç kəsiku icazə nibəstəy və əlavəş karde hər çənd İron heç vaxti əmniyyət şura 2231 ğətnamədə bə çərçivəonış ğəbul kardə ni eyne holədə ironi balestik rəketon imtivoniku dəvone hətta ım ğətnamədə həm ziddiyətiş ni və bəzi məmləkətn  do nəzəron siyasiyə hədəfon iyən niyyətonədə əncum bedə və əy məhkum kardəmon.

ironi xarici koon vəzorətxonə sıxanəvoti əlavəş karde diğğət bə ironi tarixiyə təcrubə bimiku hikayət kardə ki İron heç vaxti bə coqlə məmləkət hucumış kardə ni və bərəks coqlə məmləkəton hucumonədə dim bə dim bəy.

Ğasımi votışe:bəzion amerkədə de siyasiyə hədəfon iyən təbliğatiyə ğalməğalonədə vavunə domoədən ta ıştə ğeyre məntiğiyə ğərol yəni 7 qılə mıslmonə məmləkəti şəhrvandon bə Amerkə daxil be ğədəğən karde vədə beynəlxalğə təziğonku kam bıkən və ya ironi atom məsələ həl kardeyu mıştərəkə bərnamon əncum doeyu Amerkə məsuliyyəton kam bıkə əmmo əmniyyət şura 2231 ğətnamədə nıvıştə bıə mətləbon bə heç kəs icazə nibədoy ta jıqo vavunəon bəyon bıkən.

İ bə milləton təşkilati əmniyyət şura ğəror heste bə Amerkə tələbi əsos ironi rəketon imtivoniku dəvone xoto foğəladdə iclos bərpo bıkə.