İronədə Koronavirusi zəifəti.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 19 nəfər rəsə.

22 manqi bəpeşt, İronədə Koronavirusiku mardə kəson miğdor 20 nəfəriku həm kam bıə.

Bə İrib raporti əsos ısət ım pandemiya nəticədə İronədə mardə kəson miğdor həm bə 131821 nəfər rəsə.

Xəbə omə ki tojədən 1171 nəfər bə Koronavirusi mıbtəlo bıə kəs İronədə peydo bin, ım yəni İronədə tosə bə ısət 6204224 nəfər Koronavirusi qətəşoneş ki çəvonku 6048957 nəfər noxəşxonəonku mırxəs bıən.

Bə oxonə statestikaon əsos, tosə bə ısət 60032419 nəfər İronədə Koronapeyvəndi iminnə doza jəşone iyən 52444380 nəfər həm de 2 minnə doza və 9505625 nəfər de 3 minnə doza jəe vaksinə bıən, ım yəni 121 milyono 419376 həzo doza tosə bə ısət İronədə Korna peyvəndiku istifodə bıə.

İroni səhiyyə vəzarətxonə elanış karde ki dəvardə 24 saəti mıddətədə İroni 22 qılə ostanonədə hiç kəs korona noxəşiku mardəş ni və 4 qılə ostanədə həm i nəfər covid-19 nəticəku ıştə coni dastiku doəşone.

Fəğət zinə İronədə bə 200 həzo doza nezi korona peyvənd jə bəy.