İronədə Koronavirusiku oxonə xəbəron.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 182 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor həm bə 134420 nəfər rəsə.

Xəbə omə ki tojədən 17545 nəfər bə Koronavirusi mıbtəlo bıə kəs İronədə peydo bin.

Im yəni İronədə tosə bə ısət 6894110 nəfər Koronavirusi qətəşoneş ki çəvonku 6402821 nəfər noxəşxonəonku mırxəs bıən.

Dınyo vey kişvəronədə bənə İron, Omikron modılış bıə Koronavirus şiddətin surəti bənə tojə pandemik şəroyeti hevuj bıə.

Bə oxonə statestikaon əsos, tosə bə ısət 61871219 nəfər İronədə Koronapeyvəndi iminnə doza jəşone iyən 54939561 nəfər həm de 2 minnə doza və 21865626 nəfər de 3 minnə doza jəe vaksinə bıən, ım yəni 138 milyono 700 həzo doza tosə bə ısət İronədə Korna peyvəndiku istifodə bıə.

Fəğət zinə İronədə bə 320 həzo doza nezi anti Korona peyvən jə bəy.