İronədə Omikroni şiddət ziyod bıə.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 242 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor həm bə 135040 nəfər rəsə.

Xəbə omə ki tojədən 16967 nəfər bə Koronavirusi mıbtəlo bıə kəs İronədə peydo bin.

Im yəni İronədə tosə bə ısət 6942452 nəfər Koronavirusi qətəşoneş ki çəvonku 6489920 nəfər noxəşxonəonku mırxəs bıən.

Omikron modılış bıə Koronavirus vey şiddətin surəti bənə tojə pandemik şəroyeti İroni həmməy vırəonədə hevuj bıə.

Bə oxonə statestikaon əsos, tosə bə ısət 62151678 nəfər İronədə Koronapeyvəndi iminnə doza jəşone iyən 55100697 nəfər həm de 2 minnə doza və 22214679 nəfər de 3 minnə doza jəe vaksinə bıən, ım yəni 139 milyono 500 həzo doza tosə bə ısət İronədə Korna peyvəndiku istifodə bıə.

Fəğət zinə İronədə bə 320 həzo doza nezi Korona peyvən jə bəy.

Tosə bə ısət ironədə bə 47 milyon nəzi Korona test əncom bıə.