Ğasımi:Astanə iclos Suriyədə oroməti iyən otəşbasti hifz kardeyu təşkil bə.

İroni xarici koon vəzorətxonə sıxanəvot Suriyə barədə Astanə iclosış otəşbasti hifz kardeyu iyən nığılə rol ifa kardeyu fəaliyyəton bə ğaidə noeyuş zınə.

İroni xarici koon vəzorətxonə sıxanəvot Bəhram Ğasımi zinə de daxili və xariciyə jurnaliston ha haftə təşkil bə iclosədə Ğəzağıstanı Astanə iclosi barədə bə ironi beynəlxalğə jurnalisti suali cəvobədə votışe: ım iclos kamilən koəzınə iclose və İron Rusiyə və Turkiyə koəzınə heyəton huzurədə təşkil bedə.

Ğasımi astanə iclosədə  nımoyəndon heyəti tərkibi barədə iyən ım muzakironədə İordaniya məmləkətiku qıləy heyəti huzur həmçinin suriyədə rol ifa kardeyu bəzi məmləkəton məntəğədə iyən beynəlxalğə fəaliyyəton barədə əlavəş karde coqlə məmləkəton əcumlədə İordaniya huzuriku məlumatım ni.

İroni xarici koon vəzorətxonə sıxanəvot Suriyə koonədə Rusiyə prezidenti məxsusə nımoyəndə Aleksander Larontifı bə Tehron təşkil doə səfəri barədə votışe:Suriyə barədə Tehron və Maskva mutəmadiyə muzakiron dəvomədə navədə bə məsəlon barədə muzakirə be və təvafuğ bə dast omə.

ironi xarici koon vəzorətxonə sıxanəvot bı rujonədə ironi tərəfiku rəketi imtivoniku dəvoniye həxədə Amerkə reaksiya barədə votışe: rəketi bəhs bə ironi devlət hakimiyyət və millət aide.

Ğasımi əlavəş karde  İron ıştə milli faydon barədə de cokəson məsləhət nibəkay və Amerkə reaksiyaon ironi  tərəfiku rəketon imtivoniku dəvoniye barədə  kamilən deşmenə hərəkət iyən təziğinə rəftore.

ironi xarici koon vəzorətxonə sıxanəvot bə ironi zid sionist rejimi tojə təziğinə rəftoron barədə əlavəş karde ironi barədə sionist rejimi fik xume.

ım rejim həmmişə bə ironi zid şərik cəm karde domoədə bə və ısətnə şərayetəndə fik kardə buştəno şərik pəydo kardeyu na şərayeton hozzı bə.

ironi xarici koon vəzorətxonə sıxanəvot bə ironi zid Britaniya 1 minnə Tereza Mey  siyasəton barədə işarəş karde və votışe:bə Bəhreynı məmləkət Tereza Mey tojə təşkil doə səfər iyən çəy huzur Fars deyo həmkariyə şura iclosədə fursətiku suistifadə karde bəy və mumkin ni London bo dırozə  vaxti ım çərçivədə əməl bıkə çunki əvon həmməysə ve de islam dınyo və fars deyo oşno hestin.

Ğasımi fransə xarici koon vəziri bə İron səfər karde və çəy səfəri həm zəman beku Fars deyo ətrofədə bıə bəzi məmləkəton fransə manevri barədə işarəş karde və votışe:İron pidəşe Fars deyo siyasiyə problemonku doəro bıbo və məntəğəku kənoə məmləkəton huzur Fars deyoədə ğəbul bənin ni.

ironi xarici koon vəzorətxonə sıxanəvot Amerkə prezidenti 1 minnə muavini tərəfiku bə İron xəbərdarəti doe barədə ki işarəş kardeə be Amerkə prezidenti iradə imtivon məkən jıqo cəvobış do mudafiyə bəhsədə İron bəştə msləhəti əsosi əməl bəkay və bə cokəson icazəş doə ni və icazə nibədoy ki ironi koonədə dəxalət bıkə.

ironi xarici koon vəzorətxonə sıxanəvot bə ironi zid Amerkə tojə sanqsiyaon vədə ironi ğəroli barədə həm votışe: bı nezonədə amerkəvıjə muəssison iyən şirkətonku ki bə terroristi iyən təkfiriyə qrupon əcumlədə İŞİD terroristiyə qrupi komək kardeyu iyən de sionist rejimi dasi Fələstinı məzlumə milləti təziği jiyədə ğəror doeədə rolışon bə qıləy siyahi nəşr bəkay ki İron İslam Respublika sanqsiya siyahiədə ğəror bəqəte.