Dınyoədə bıə İroni nımoyəndətionədə şair Nimami boydəğ rost be.

Həkim Nizami vırə yol qəte mərosimədə mərosimon həmohənqəkə ğərorqo yol votışe: dınyoədə bıə İroni nımoyəndətionədə çı İroni pərçəmi kənoədə şair həkim Nimami boydəğ rost be.

Bə İrna raporti əsos, Məhmud Şaluii tojədən votışe: həminə koy bə çəy xoto əncom bıə ta bə dınyo nışo bıdəmon ki hiç kiçvəri karde nibəzne İronıjə şair və həkim Nizami barədə iddioş bıbu.

Həkim Nizami vırə yol qəte mərosimədə mərosimon həmohənqəkə ğərorqo yol əlovəş karde: esfəndə manqi 15 minnə rujiku bə Həkim Nizomi vırə ehtirom noe mərosimon muğəddəmə koon bino bıə və peşo İroni həmməy şəhronədə məxsus mərosimon dəvoniyey bıdə.

Har sor esfəndə manqi 21 İroni təğimədbə bə Həkim Nizami vırə ehterom noe ruj ğeyd bıə.

Parsi ədəbiyoti yolə şairon iyən ustadonku qələyni, Hicri Ğəməri 6 minnə əsrədə bıə şair və dastan votə kəs yəni Cəmaluddin Əbu Muhəmməd Elyasi, Nizomi barədə sıxən voteydəmon, əv ki çı İroni milli şəxsiyəti memorətiədə vey muhimmə təsirış be.

Qıləy şair de mislış nıbıə asron ki Farsi ədəbiyotədə tojə şivə iyən metodi icodış kardə.

Əsəroni ki çəvon vey erjin iyən muhimmə qılə Xəmsə ya 5 qənc heste.

Nezami, həğiğətən illustrasiya iyən kompozisiyaədə ustad be.

əqə əmə Sədi, Hafiz, Molana iyən Ferdosi bənə farsi zıvoni 4(ço) qılə yolə şairi hisob kəmon, hukmən Nizami 5(penc) minnə qıləy.

Imrujnə ədəbiyoti, bə ım yolə şəxsiyəton və şairon ğarzıxomon, anədə ki əqə əvoni çəmə yodiku bıkamon, maştə İroni ədəbiyotiku hiç çi baği nibəmande.

Imsor Esfəndə manqi 21 minnə rujiku iyən İron və co kişvəronədə həkim Nezami yol qətey beynəl xalğ haftə mərosimon bərpo bəbe.