Rusiyə de amerkə anti-ironə ğətnomə bıə mıxolifət

Rusiyə İMT-ədə bıə nımoyəndə heyəti votəşe ki,Moskva bə İroni ələyh ğeyri-balansinə rəvoyəton təhmiliro harcurnə səyonədə çe behroni dəlilon iyən motivon nəzədə nıqətə holədə rədd kardedə.

Rusiyə nımoyəndə heyət həmçinin elonış kardə Farsi Kandovi məntəğədə çe kəştiyon şe-omey əmniyyəti təmini de hərbi əməliyyoton təmomən oqətey iyən cariyə canqi bə oxo rosney qıləy nezə rabitəş heste.In heyəti həmçinin votəşe ki,Moskva ıştə nəzəon xususədə hartəfinə izohonış nışon doə iyən çe amerkə bə Əmniyyət Şurə nışon doə ğətnomə navnıvışti xususədə bıə ıştə norohətçiyətiku bəhsışon kardə.Bın bəyoniyyədə omə:”Əmə çəşnavi doydəmon ki,ğərəzinə ğətnomə mumkine Miyonə Şərğədə bə ziddiyyətonku nuyə ləpə bə formə dəşey boyis bıbu”. Rusiyə çın bəyoniyyə coqlə baxşədə çe Əmniyyət Şurə uzvonku piyəşe ki,çe ziddiyyət ofəyə iyən canqtələbə nəzəonku bə diyəro bımandon.