İronədə bıə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 117 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor həm bə 139180 nəfər rəsə.

Xəbə omə ki tojədən 3223 nəfər bə Koronavirusi mıbtəlo bıə kəs İronədə peydo bin.

Im yəni İronədə tosə bə ısət 7130129 nəfər Koronavirusi qətəşoneş ki çəvonku 6791854 nəfər noxəşxonəonku mırxəs bıən.

Bə oxonə statestikaon əsos, tosə bə ısət bə 49 milyon nezi həm Korona test İronədə əncom bıə.