İnğılobi Yolə Rəhbər:İroni millət de imperiyalizmi mıborizədə səhihə roşon vıjniyəşone.
İslomi İnğılobi Yolə Rəhbər de bənə Əfğanıston,Ukrynə və Yəmənədə bıə dınyo məsələon işorə kardə holədə təkidışon karde:həmmə ım hodisəon İroni millət de istikbor iyən imperiyalizmi mıborizədə səhihə roşon vıjniye nışon doydə.
İnğılobi Yolə Rəhbər:İroni millət de imperiyalizmi mıborizədə səhihə roşon vıjniyəşone.
İslomi İnğılobi Yolə Rəhbər de bənə Əfğanıston,Ukrynə və Yəmənədə bıə dınyo məsələon işorə kardə holədə təkidışon karde:həmmə ım hodisəon İroni millət de istikbor iyən imperiyalizmi mıborizədə səhihə roşon vıjniye nışon doydə.
Bə İslomi İnğılobi Yolə Rəhbəri dəftərxonə doə məlumoti əsos İnğılobi Yolə Rəhbər həzrət ayətullah Xameneyi dışanbə ruji 1401-ə Həşi sori iminə ruji de televiziyə kanali bəyjiyə bərnomə ıştə təbrikə sıxanonədə Nuyə sori dəme mınosibəti təbrik votə holədə de bə dınyoədə ıstənə vəzyəti işorəş karde və voteşone ki,həmmə ım vıron bə qıləy səhih ğərol,hərəkət iyən tədbiri ehtiyociş heste.əmə bə dınyo cariyə hodisəon nəzə kardeyədə vindedəmon ki,çokonə çı İroni milləti çı dınyo imperiyalizmi mığobilədə mandə həmməysə vey ısət oşko və məlum beydə.
Həzrət ayətullah Xameneyi de bə İroni milləti çı dınyo imperiyalizmi mığobilədə mandey,təslim iyən çəvonku bə şıkrə nıbeyış,ıştə istiğloli muhafizə kardey və kişvər iyən nizomi zumand kardey vljniye,işorə kardey bə yodış dənoe ki,çı milləti qırd ım ğərolon dırıst və səhih be.
İslomi İnğılobi Yolə Rəhbər işorəşon karde ki,Xıdovənde-Mutəal bo ironi milləti çı umu zəminəş hozzı kardə və bəyodışon dənoe ki,məhaştənən İroni milləti umudəvo deşmınon bə ğəzəb biyon.
Ə həzrət bə Əfğanıstoni kişvəri məzlum iyən mısılmonə milləti sə omə fəozədə cinoyət,zılm iyən sıtəmi və amerkəvıjon 20 sornə sıtəm və zılmi bəpeştə xaric bıey formə işorə kardə holədə voteşone:Ukraynə hodisəon har qıləyni coqlə nımunəy ki,çəy prezdent de ğərbıvıjon vositə bə hukumət rəse,bəvon xitobən de tındə ləhn və toni sıxanış karde.
İslomi İnğılobi Yolə Rəhbər həmçinin bə Yəməni milləti iyən bəçəvon har ruj çı bombardımoni mığobilədə mığoviməti və co tərəfiku bə ərəbıstoni çı 80 qılə cıvon iyən nevcıvoni qərdəni jıey bə yod dənoə holədə voteşone:həmmə ın hodisəon dınyoədə bıə zılmi hakim bıey nışon doydə ki,xunxarə neyçiyon dınyo çəvon dastədəy.
Həzrət ayətullah Xameneyi çı ğərbi irğçiyəti oşko bıey çı Ukraynə hodisəon coqlə cəhətonku hisobış kardə və voteşone:siyuəpuston çı sipiyəpustonku co kardey və əvoni çı ğatəriku piyodə kardey və evardey və ğərbi mediyaon ıştə informasiyə vositəonədə oşko canqi avropədə ne,Miyoə Şərğədə bıey adət kardeyku ıştə təəssıfi ibroz kardə holədə voteşone ki,ım çı rasizm iyən irğçiyəti oşkoə nımunəonkuye.
Ə həzrət bə ğərbi dınyoədə de zılm iyən sıtəmon dimbədim omə zəmonıədə bəçəvon dıdiməti iyən dı standardə siyosəri işorəşon karde və əlovəşon karde:ehanə zılm bəvon muti bıə kişvəronədə bıbu,mutləğə şikilədə bəy nışon doydən və de qırd ım zılmon və sıtəmon insonə həxon iddio kardedən və deştə duyə iddio mıstəğilə kişvəronku bac tələb kardedən.
Həzrət ayətullah Xameneyi ıştə sıxanon dəvomədə bəştə çı ” kişvəri ixtospdi bə amerkə sanksiyəon anqıl jıey və çanədə sankisyəy hejo jıqo bəbeku pərhiz kardey” ayid bıə ponə sıxanon işorə kardə holədə bə yodışon dənoe:xoşbaxtonə kişvərədə nuyə siyosəton nışonış doe ki,de amerkə sankisyəon bərpo bıə holədə bənav şıey mukine və xarici ticorəti rovnəğ doey bəbe və bə reqiyonal mığoviləon daxil bıey və nat iyən co zəminədə məsəlon dast pəydu kardey mumkine.
Ə həzrəti voteşone:həlbətt de hiç qıləy vəchi çı sanksiyəon bərətəf kardey dumo məbəmon və əkəson ki,bın zəminədə səy kardedən ıştə koon dəvom bıdon.əmmo əsosə məsələ ıme ki,kişvəri jıqo idorəkəmon ki, sanksiyəon bəpe bə kişvəri ixtisodi qıləy dıjdə zərbə jıey nızıno.binobərin ımsor həm həmonə tevsiyə kardedəm ki,kişvəri ixtisodi de sankisyəon anqıl məjəmon.
