sioniston çı muğavimət cəhbə muhasirədən.
Tehroni cımə nımoji xətib votışe: sionist rejim çı islami muğaviməti muhasirə jıntonədəy.
Tehroni zinə ruji cımə imomi xətib hucətul islam vəl muslemin Seyd Muhəmməd Həsən Əbutorabifərd Fələstin məsələ çı İslam dınyo yeqanə muhimmə məsələ bə hisobış varde və votışe: qıle holədə ki şərifə Ğuds iyən Məçidul-Əğsaədə ğeyri insoni saxtə məhdudiyəton icod bıə əmmo 200 həzo nəfəriku vey tojədən ın məçidədə nımoj voteyro iştirok kardışone ki islm dini dışmenonro vey tars iyən nomidi icodış karde.
Tehroni cımə nımoji xətib bə sionist rejimi çımi bənav bıə hucum siyasəton işorəş karde və votışe: torixədə ğeyd bıə ki 6 ruji mıddətədə 3 qılə islami kişvəron əcumlə Misr, Suriyə iyən İyardaniya 6 ədə de sionist rejimi itərəfi hucumi dim bə dim bıə əmmo ısət ın rejim tam bə mudafiyə şəroyrti ıştə mıvğiyəti əvəzış kardə.
hucətul islam vəl muslemin Seyd Muhəmməd Həsən Əbutorabifərd təkidış karde: ımruj sioniston Ğəzzə,Fələstini ğərbi sahil, Livan, İrağ iyən Yəməni muğavimətiku komilə muhasirədən və jığo votey bıdə ki vəziyət anədə əvəz bıə ki ln roy tosə israili məv bey zəmon dəvomış bəbe ki dəvardə haftə Ğuds beynəlxalğə aksiyaədə milləti əzəmətinə iştirok ımi sabitış kardə.
Tehroni cımə nımoji xətib əlovəş karde: dınyo mediaon həm bə ım nuktə etirof kardışone ki ımsornə sori Ğuds beynəlxalğə şemon de veyə əzəməti islam dınyoədə bərpo bıə ki Şərifə Ğuds iyən Fələstin millətiku himoyədorəti kardeyro vey xoşə mıjdəvonəti be.
