Fəhləon de dışmonon mubarizə bardey i minnə səfədən.

İroni Yolə Rəhbər fəhləonış çı istehsoli xeymə əsliyə sutun bə hisobış varde.

Həzrəte Ayətullah Xamenei ımruj de i dastə fəhlə vindemoni cəryonədə həminə vindemoniku hədəfış çı fəhləonku ğədrdonəti və təşəkkur karde iyən bə ın koy erji təkidış karde ijən islami diyə və nəzədə bıə koy və fəhlə əhəmmiyəti vırə barədə hamiyəşe: liberalizm istemori nəzə iyən kumunizm məhv bıə şuariyə sistemi əks, bə fəhlə bıə islami diə qıləy ğədrdonətiş bıə erjinə koy heste, bə həminə nəzə əsos be ki islam dini Peyğombər(s) bə fəhləon dasti məçış kardə.

Həzrəte Ayətullah Xamenei bə siyosi, iğtisodi iyən hərbi baxşonədə bıə fəhləon dəvəşə iyən milli ənqizəon təsdiğ kardışone: hərbi baxşədə barzə nımonə ıme ki muğaddəsə mudafiyə cərəyonədə fəhləon miyono 14 həzo şəhid bə ın inğilob təğdim bıə iyən əqə ojnən hərbi məsələ icod bıbu hukmən fəhləon ijən navəjənə i minnə səfədən.

Ə Həzrət iğtisodi sahədə bıə fəhləon milli ənqizəon barədə əlovəş karde: İroni nizomi bə səbarzəti rəsey zəmoniku tosə bə ısət istikbori səmtiku qıləy əsli siyosət kişvərədə istehsoli koyədə problem eğande be ki tojə soronədə sanksiyaon şiddəti ziyod bey ın hədəfi tam oşkoş karde, əmmo fəhləon deıştə zumandə muğaviməti həminə hədəfi vəy qəteşone iyən nışoşon do ki çı istehsoli xeymə əsliyə sutunin.

İroni Yolə Rəhbər ijən bə inğilobi əvvəliku bıə fəhləon təhrik kardey məsələ vıcudi işarəş karde iyən təkidış be ki: həminə təhrikəkə hərəkətonku hədəf, fəhləon iştimaiyəti bə qıləy simvol iyən bə anti dıvlət eterozon nışonə əvəz karde be əmmo siyosi meydonədə həm fəhləon çı təhrikəkəyon bukə bə xok dəsuşone iyən həmmişə İroni nizom və inğilobi kənoədə bin.