İronədə bıə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku 9 nəfər ıştə coni dastiku doəşone.

Bə İrib raporti əsos iyən səhiyyə vəzorətxonə nəğliku de tərtibi ım pandemiya nəticədə İronədə mardə kəson miğdor qırd bə 141253 nəfər rəsə.

Xəbə omə ki tojədən 280 nəfər bə Koronavirusi mıbtəlo bıə kəs İronədə peydo bin.

Im yəni İronədə tosə bə ısət 7229354 nəfər Koronavirusi qətəşoneş ki  de xuşbəxtiyəti çəvonku 7028491 nəfər noxəşxonəonku mırxəs bıən.

731 nəfər həm noxəşxonəon məxsus vırəonədə oloxtoniyə bıən iyən nəzarəti jintonədən.

Bə oxonə statestikaon əsos, Covid-19 dınyoədə 6289730 nəfər odəmi conış qətə iyən həmçenan bənə ciddi təhdidi dəvom kardeydə ki hətto dınyo səhiyyə təşkilot həm çəy barədə və tojə modeleş bıə virusonku daimən nota dodən.