Sərləşkər Səlami:şəhid Səyyad Xodayi intiğami bəstəmon.
İslami inğilabi sepahe pasdaranı fərmondə votışe: şəhid Həsən Səyyad Xodayi xuni intiğami sionistonku bəstəmon.
İslami inğilabi sepahe pasdaranı fərmondə votışe: şəhid Həsən Səyyad Xodayi xuni intiğami sionistonku bəstəmon.
Pokə hərəmi mudafiəçi polkovnik Həsən Səyyad Xodayi 1 şanbə ruji Tehronədə bə inğilabi zid iyən bə beynəlxalğə istikbar vobəstəkəson cinayəti hədəf ğəror qətedə və bə şəhodət rəsdə.
Bə telerədyo aqentəti ımrujnə xəbon əsosi islami inğilabi sepahe pasdaranı fərmondə sərləşqər Huseyn Səlami de şəhid Həsən Səyyad Xodayi ailə vindımonədə votışe: şəhid Xodayi qıləy holədə ki odəmon əy zındə nıbin əmmo ısət de Xıdo izni şəhid Xodayi bənə həşi dınyo barzə vırədə vəşedə.
İslami inğilabi sepah pasdaranı fərmondə votışe: ım şəhidi əzəmət bə dərəcədə be ki deşmen əy bə şəhodət rosneədə ıştənış səbarz zınə və əlovəş karde deşmen sıpiyə kə dıləku iyən telaviviku çandə manq və sor şəhid Səyyad Xodayiı təğib karde ta əvış qıləy nuğtədə bə şəhodətış rosni.
