İnğilabi yolə rəhbəri:bə daxiliyə zərfiyyəton diğğət doe sanksiya silah karo bəğande.

İslamiyə inğilabi yolə rəhbəri sanksiyaş, ğodrəton , məmləkəton vədə silahış zınə və votışe: bə daxiliyə ğıvvon və zərfiyyəton diğğət doe sanksiya silah karo bəğande.

İslamiyə inğilabi yolə rəhbəri sanksiyaş, ğodrəton , məmləkəton vədə silahış zınə və votışe: bə daxiliyə ğıvvon və zərfiyyəton diğğət doe sanksiya silah karo bəğande.

İslami inğilabi yolə rəhbəri Həzrət Ayətullah Xamenei zinə Tacikistanı prezdent İmaməli Rəhman və dəy həmro bə heyəti vindımonədə İron və Tacikistani, tarixi, dini, mədəni və zıvoni nığılə iştirakonku işarəş karde və 2 qılə məmləkətış bənə xışavənd və bıvəş zınə.

Həzrət Ayətullah Xamenei İroni cur bə curə coğrafiya iyən zəminon və yolə daşton  eyne holədə İronədə elmiyə inkişafon, texnoloqiya və sənaye iyən bə elmi əsos icod bə şirkəton və Tacikistanədə veyə ov iyən veyə mədənonış, mıştərəkə həmkoətion inkişaf doe nav şərayeti icod kardeyuş zınə və votışe: sanksiyaon vocodəndə İron İslam Respublika mıxtəlif baxşonədə çokə inkişafonış bə və əqər sanksiyaon bə nəbin ım inkişafon bə dast nəvoin  çun sanksiyaon bois bin bəştə daxiliyə ğıvvon və zərfiyəton peştpur bıbəmon.

İslami inğilabi yolə rəhbəri İroni texnoloqiya və mohəndesi, sənaye və elmiyə zərfiyətonış bə Tacikistanı komək kardeyu ve çok və  muhimmış zınə və əlovəş karde çı zərfiyyətonku istifadə kardeyu iyən ciddiyə sorətədə həmkoətion inkişaf doeyu bəpe mıştərəkə kamisiya  ciddiyə sorətədə həmmə imza bə sənədonru bərnamə iyən təin bə zəman nəzədə bıqəto ta əvoni bə əməliyatiyə mərhələ bırosno.

Yolə rəhbəri eyne holədə işarəş karde bə ım ki İron və Tacikistanı miyonədə həmkoətion və həmfikri karde meydononku qıleni məntəğə məsəlon xususi Əfğanistanı vəziyyəte və votışe:İron və Tacikistanı niqəranətion Əfğanistanı həxədə mıştərəke və ha 2 qılə məmləkət Əfğanistanədə terarizm və təkfiriyə qrupon inkişafiku niqəranin və əmə bovəmon heste ki ə əğəon ki ısət Əfğanistanədə koədə hestin bəpe karde bıznon bə qıləy hevoj və mırəkkəbə hukumət həmmə qruponku istifadə kardeədə bırəson.

İslami inğilabi yolə rəhbəri eyne holədə İroni silahinə ğıvvon ğərorqoh rəisi bə Tacikistan tojə təşkil doə səfər işarə iyən be pilotə təyyarəon istihsal zavodi okardeyu jıqo həmkoətionış ve muhim təhlilış karde və votışe: be pilotə təyyarəon ımruj məmləkəton əmniyyətdə muhimmə dəlilonkon.

Tacikistanı prezdent İmaməli Rəhman həm ım vindımonədə Tehronədə huzur pəydo kardeku iyən de İslami İnğilabi yolə rəhbəri vindımoniku ıştə veyə xoşhalətiku qəpış jə və votışe: mıxtəlif baxşonədə mincumlə ticari və İxtisadi və sənaye rabitonədə çokə muzakiron əncom bən və bə imza kardə sənədon əsosi ommid heste cənabali hidayətonədə 2 qılə məmləkəti rabitə nakonəsə ve inkişaf pəydo bıkə.

Rəhman, əmniyyəti niqərani xususi Əfğanistanı həxədə iyən terarizmi inkişafış 2 qılə məmləkəti miyonədə muhimmə məsələş zınə və əlovəş karde əmə Əfğanistanədə həmmə toyfan huzurədə sulh və oroməti domoədə hestimon və ommidvarimon İron və Tacikistanı əmniyyətiyə həmkoətion inkişafədə bə ım niqərani ğələbə bıkəmon.