İronədə bıə Koronavirusiku xoşə xəbə.

İroni səhiyyə vəzarətxonə elanış karde: 2 soro 100 ruji bəpeşt dəvardə 24 saəti mıddətədə Koronavirusiku İronədə mardə kəson bə 0 rəsə.

Bə İrib raporti əsos iyən səhiyyə vəzorətxonə nəğliku de tərtibi ım pandemiya nəticədə İronədə mardə kəson miğdor qırd bə 141318 nəfər rəsə.

Xəbə omə ki tojədən 175 nəfər bə Koronavirusi mıbtəlo bıə kəs İronədə peydo bin ki çəvonku 34 nəfəri noxəşxonəonədə oqətəşone.

Im yəni İronədə tosə bə ısət 7232443 nəfər Koronavirusi qətəşoneş ki  de xuşbəxtiyəti çəvonku 7052277 nəfər noxəşxonəonku mırxəs bıən.

Isət İronədə Koronavirusiku noxəşxonəonədə oloxtoniyə bıə kəson miğdor bə 524 nəfə rəsə.

Bə oxonə statestikaon əsos, Covid-19 dınyoədə 6 milyono 313 həzo nəfə odəmi conış qətə iyən bə 536 milyon nəfəri mıbtəloş kardə.