İronədə bıə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku 3 nəfər ıştə coni dastiku doəşone.

Bə İrib raporti əsos iyən səhiyyə vəzorətxonə nəğliku de tərtibi ım pandemiya nəticədə İronədə mardə kəson miğdor qırd bə 141360 nəfər rəsə.

Xəbə omə ki tojədən 146 nəfər bə Koronavirusi mıbtəlo bıə kəs İronədə peydo bin ki çəvonku 30 nəfəri noxəşxonəonədə oqətəşone.

Im yəni İronədə tosə bə ısət 7234367 nəfər Koronavirusi qətəşoneş ki  de xuşbəxtiyəti çəvonku 7059934 nəfər noxəşxonəonku mırxəs bıən.

İjən xəbə omə ki tosə bə ısət 321 nəfər Korona noxəşi həm İroni noxəşxonəonədə oloxtoniyəşone.

Təğribə 1 manq bəbe ki İronədə Koronavirusiku mardə kəson miğdor har ruj bə 10 nəfər həm nibərəse ki ın prosses ijən hdəvonm kardeydə.

Bə oxonə statestikaon əsos, Covid-19 dınyoədə 6 milyono 337 həzo nəfə odəmi conış qətə iyən bə 540 milyon nəfəri mıbtəloş kardə.