Laricani: Amerkə çı İroni ğabiliyət iyən ğudrətiku tarseydə.

İroni İslamiyə şura məclisi rəis voteşe: ətomiyə təvafuği bəpeştə, Amerika ısət çı İroni ğudrət, ğabeliyət ijən regiyonal zərfiyəton ziyod beyku tarseydə.

Əli Laricani Fevrali 13 ədə İroni Ğom şəhri məhəliyə televıziyaədə bə Amerkə bevəcə ğəsd və niyyəton ətomiyə mıvzoon bə kəno co sahəonədə de İroni muğabilə karde xoto təkidış kardə iyən votışe: İroni vədə Amerkə fiki məşğul kardə ijən problemon və ixtilafon fəğət ətomiyə mıvzu bərədə ni ijən ım ğərəz İron bə vey kişvəron həm məxsuse.

Laricani Amerika və co kişvəron miyono bə vıcud omə bohran və problemonış çı Amerkə tojə dıvləti rəftoronku iborət zınəş be və çın kişvəri daxıliyə vəziyətiku hisobış karde ijən əlovəş kardə: Amerika prezident Donald Tramp səy kardedə ta de bənə vizaon ləğv karde ijən de Avropa i bemoni bohranon bıə,nosəhihə rəftoron və ixtilafon bino karde çın kişvəri daxıliyə bohranon həlkəy.

İroni İslamiyə məclisi rəis bə ım nuktə işorəş karde ki İroni fikədə dəvardə 38 sori mıddətədə bıə rəftoronku anə təcrubəon hestin və Tehron de vəziyəti bərobər lozimə ğəror və hərəkəton çı dınyo muxtəlifə mıvzuon barde əncom bədoy.

Ağaye Laricani həmçınin voteşe: deşmən bə İron zərbə varid karde xoto bəzi vaxton bə İroni əziyyət karde və İroni torsıniye siyasəton və rəftoron pənoh bardedə əmmo İron deştə təcrubəon bərobər ətomiyə mıvzu bə na hərəkət doe və əy həl karde sahədə fəaliyət bəkay.