Ğasimi:sionist rejimi atom bombaon dınyo sulh və əmniyyətiyu ciddiyə xətoy.

İron İslam Respublika xarici koon vəzorətxonə sıxanəvot sionist rejimi atom bomba mərkəzonış dınyo sulh və əmniyyətiyu yolə xətoş zınə.

İroni xarici koon vəzorətxonə sıxanəvot Bəhram Ğasimi zinə bə ironi  sulhinə atom bərnamon zid Amerkə president Donald Tramp və sionist rejimi 1 minnə vəzir Benyamin Netaniyaho be əsosə iddaon barədə işarəş karde və votışe:sionist rejim ıştə atom mərkəzonədə çansaqılə atom bomba hidayət bıkə sistemış heste və nezə şərğ iyən dınyoədə sulh və əmniyyətiyu həmməysə yolə xəto bə hisob omedə.

Ğasimi əlavəş karde nasəhihə sıxanon və iddaon qıləy rejimi tərəfiku təkrar bedə ki bə heç qılə ğanon iyən beynəlxalğə rəftor buvəş ni və ıştən cinayətonku be intıvoə yolə sənədış heste və çəy ğeyre insoniyə hərəkət bə fələstinı məzlumə millət və coqlə hamsoyan İ bə milləton təşkilati veyə məlumatonədə işarə bə.

ironi xarici koon vəzorətxonə sıxanəvoti əlavəş karde vaşinqtonədə Donald Tramp bə Benyamin Netaniyaho mıştərəkə xəbəriyə iclosədə ironi sulhin atom bərnamon barədə ğəyrəz puç və befoydə təkrariyə iddaon coqlə tojə nektəş nıbı.

Ğasimi votışe: bə ironi zid iddaon qıləy holədə tojədən təkrar bedə ki beynəlxalğə atom enerji təşkilat ıştə hozzı kardə məlumatədə çandəkərə ironi atom bərnamon sulhin beş təsdiğ kardə.

ironi xarici koon vəzorətxonə sıxanəvoti votışe: atom silahon məzhəbiyə nəzəku de islamiyə inğilabi yolə rəhbəri fitva əsosi hərome və ironi hərbiyə doktorinədə heç qılə vırəş ni və şək ni ke İron atom məsələ həl kardeyu mıştərəkə bərnamon əncum doeyu bə təvafuğnamə əsosi ki beynəlxalğə təşkilati əmniyyət şura tərəfiku həm təsdiğ bə de ciddiyəti bəştə sulhin atom bərnamon dəvom bədoy.