Ğasımi:sionist rejim bə heç qıləy beynəlxalğə ğanun bovəş ni.
İroni xariciyə koon vəzorətxonə sıxanəvoti votışe:sionist rejim heç qıləy beynəlxalğə ğanunon əməl kardə ni və ımruj həm məntəğə və dınyoro ciddiyə xəto bə hisob omedə.
İroni xarici koon vəzorətxonə sıxanəvot Bəhram Ğasımi daxili və xariciyə jurnaliston iclosədə ironi beynəlxalğə telerədyo jurnalisti cəvobədə ki məntəğə iyən beynəlxalğə səthədə sionist rejimi atominə xəto iyən Munix şəhri əmniyyətiyə iclosədə sionist rejimi atom silahon həxədə təhğiğ nıbe barədə be əlavəş karde sionist rejim bə məntəğə və məntəğəku kənoə məmləkəton niqəranəti bois bə.
Ğasımi əlavəş karde sionist rejimi atom silahon məsələ həmmişə beynəlxalğə səthədə bə iclosonədə İron və coqlə məmləkəton bərnamədə bəy əmmo bə qıləy ciddiyə iradə ehtiyaciş heste ta sionist rejim məcbur bıbo atom silahon arəku bıbə..
ironi xarici koon vəzorətxonə sıxanəvot Munix şəhri əmniyyətiyə konfıransi həxədə məntəğədə bəzi məmləkəton doə nəzəron həxədə votışe: ım konfransədə bə ironi zid na səhihə sıxanonku bə kəno İron həmçinan məntəğədə sulh əmniyyət və oroməti bərğəror kardeyu ıştə mısbətə siyasəton dəvom bədoy.
ironi xarici koon vəzorətxonə sıxanəvot munixı əmniyyətiyə konfransədə Turkiyə xariciyə koon vəziri sıxanon həxədə votışe: Turkiyə problemon və no oromə vəziyyət bois bəy çı məmləkəti bəzi siyasətçion na səhihə rəftor və kəlomışon bıbo və de veyə ihtimali bəştə jə sıxanon nəticə həm fik kardə nin.
ironi xarici koon vəzorətxonə sıxanəvot Bəhram Ğasimi həmçinin fevrali 21 nə ruji tehronədə dınyo 80 qılə məmləkəti heyəton huzuri fələstinı intifazəku tərəfdarəti kardeyu 6 nə beynəlxalğə konfransi bərpo beku xəbəş do və votışe:kəlanə məsəlon əcumlədə sionist rejimi işğalqərəti dəvom əcumlədə ım iclosədə işarə bə məsəlonku bəy.
Ğasımi ğərəbağədə referendomi dəvoniye barədə sifarışə. karde ım bıhroni həl kardeyu ki ğəfğazı məntəğədə bə veyə niqəraniyəti bois bəy təcili bəpe qıləy ro pəydo bıbo.
Ğərəbaği referendum ım məntəğə idarə karde sistemi nimə rəisətiku bə rəisətiovoştıneye.
