Texniki və məhorət baxşədə, İron və Tacikistoni həmkoətion inkişof

İroni texniki və məhorət təlim doə Təşkilat elanış karde: texniki və təlimi məhorəton baxşədə de Tacikistoni ko iyən miqranton vəzarətxonə, həmkoətion tojə fəsl bino bıə.

İroni texniki və məhorət təlim doə Təşkilat və Tacikistoni ko iyən miqranton vəzarətxonə təlimon, həmkoətion kumitə 2 minnə iclos bərpo bıə.

Bə İrna raporti əsos, ım iclosədə, İroni texniki və məhorət təlim doə Təşkilati rəis, Ğolamhuseyn Huseyniniya bə 2 qılə kişvəri torixi rabitəon işorəş karde iyən votışe: İron de Tacikiston kanə rabitəşe ki vey erjine və bəpe cəhd kəmon ta 2 qılə kişvəri miyono ım rabitəon əlovə peydo bıko.

Huseyniniya ijən əlovəş karde: 13 minnə dıvlətədə ko, həmkoəti və ictimai rifoh vəzarətxonə, de Tacikiston mığuviləon imzoş kardə ki bəvədə 3 sornə mıştərəkə hərəkəton plan kəşə bıə və ısət bə həminə əsos əməl bəbe.

Im vindemonədə Tacikistoni ko iyən miqranton vəziri iminnə muavin Əbdulğəffar Rəhmanzodə həm votışe: pidəmone ki təlim iyən məhorəton əlovə kardey baxşədə, İroni təcrubəonku istifodə kəmon.