Nəğliyot baxşədə, İron və Tacikistoni miyono həmkoətion hevujəti.
İroni şəhr soxtey və roy vəziri nəğliyot muavi və Tacikisatoni tojə texnoloqiya iyən sənaye vəziri vindemonədə, bə 2 tərəfiyə həmkoətion hevujəti təkid bıə.
Bə İrna raporti əsos, Tacikistonədə İroni şəhr soxtey iyən roy vəziri nəğliyoti muavin, Şəhriyor Əfəndizodə, de Tacikistoni tojə texnoloqiyaon iyən sənaye vəziri mıştərəkə iclosədə, locestik texnoloqiyaon reyls xətton və caddə huşinə nəğliyoti baxşədə, bə kişvəri stedadon iyən zumandətion zıney işorəş karde.
Im iclosədə Tacikistoni vəziri nəğliyot baxşədə bə İroni royku istifodə kardey, şimol-cənub və şərğ-ğərbədə İroni roy təğib kardey iyən de xərcon və imkanaton oşno bey xoto, ıştə meyl iyən hozzoəti elan iyən çand qılə nımoyəndə elanış kardə, ta de İroni roy vositə, ıştə ehtiyocinə texnoloqiyaon bə Tacikiston bıvığandon.
Həmçınin ım iclosi dəvomədə, Tacikistoni tojə texnoloqiyaon iyən sənaye vəzir locestik texnoloqiyaon reyls xətton və caddə huşinə nəğliyoti baxşədə, İronədə bə dast omə inkişofon istifodə kardeyku ıştə meyli nışoş do.
Təyin bıə ki vəomey rujonədə, Taciki heyət, həminə mıvzoon təğib kardey, iyən kişvəri nəğliyot planonku vindemon kardeyro bə İron səfər bıkon.
