Bə "OANA" onemoni, İron İslam Respublika aqentəti(İRNA) rəisəti.
Asiya və Okeaniyə aqentətion ittifoği umumiyə onemoni 18 minnə iclos(OANA)-i sə bey mərosimədə, de ım onemoni uzv bıə kişvəron sədo vositə, ım təşkilati 3 sornə rəisəti rəsmi surəti bə İron İslam Respublika aqentəti(İRNA) aspardə bıə.
Bə İrna raporti əsos, Asiya və Okeaniyə aqentətion ittifoği umumiyə onemoni(OANA) 18 minnə iclos sə bey mərosimədə, İroni islamiyə aqentiyəti mudir(İRNA) , Əli Naderi, ım onemoni iştirokəkəyonku ğədrdonətiş karde iyən votışe: tojə dıvrədə cəhd bəbe dəvardə zəmoniku vey, uzv bıə aqentətion miyono rabitəon hevuj bıbu, və rabitəon, mıstəğilə məlumatərosn və betərəf metodi royədə, və bə həğiğəton əsos, bənav bışo.
Naderi ijən dəvardə 3 sori mıddətədə ın ittifoği nakonə mudiriyətiro, cənubi Koreya "Yonhap" nomo bıə aqentətiku ğədrdonətiş karde iyən umidış do: tojə dıvrədə, de həmmə uzv bıə kişvəron həmkoəti vositə, rabitəon və məlumatərosnə təşkilatonro, tojə roon icod bıbu bə bə inkişof bərəsi.
Dışəmbə rujiku, Asiya və Okeaniyə aqentətion ittifoği umumiyə onemoni 18 minnə iclos(OANA) de İslami irşod və mədəni vəzir, Muhəmməd Məhdi İsmaili sıxənon iyən de İroni islamiyə aqentiyəti mudir(İRNA) , Əli Naderi iyən Cənubi Koreya "Yonhap" aqentəti icraiyə mudir Hiyon Con Komi iştirok binə bıə və zinə de Tehroni bəyoniyə muntəşir bey vositə bəştə ko orəxış do.
Im 2 rujə iclosədə, 35 qılə çı OANA uzv bıə kişvəron xəbə mərkəzonku, 60 nəfər rəis, mudir iyən sərkatib iştirokışon be.
The Organization of Asia-Pacific News Agencies, Miladi 1961 minnə sori Dekabrə manqi 22 minnə (Şəmsi 1340 minnə sori Dey manqi 1 minnə ruj)ədə de ım məntəğə kişvəron miyono məlumat rosniye hoston kardey hədəfi, və de İ Bıə Milləton mədəniyət, elmi və təlimə təşkilat (Yunesko) himoyə ıştə ko binoş kardə.
(OANA)ədə uzv bıə kişvəron, 56 faiz çı dınyo noxalisə istehsol, 60 faiziku vey ovi hevujəti iyən 25 faiziku vey həvoiyə nəğliyoti soybin.
