Ğalibaf: bəpe ğoym surətədə İronədə bıə de tojə DAEŞ-i soxtey muğabilə bıbu.
İroni İslamiyə parlamenti yol de polisi ğıvvə zəxmin bıə kəsonku qıləyni vindemonədə ki oxonə iğtişoşoədə zəxmin bıə be, İronədə bə de tojə DAEŞ soxtey ğoym surətədə muğabilə kardey təkidış kardə.
Bə Tele-Rədio aqentiyəti raporti əsos, tojədən İroni İslamiyə Şura parlamenti yol, Muhəmməd Bağır Ğalibaf, Tehronədə Vəle Əsr(əc) nomo bıə polisi ğıvvə noxəşxonədə iştirok kardey, polisi ğıvvə zəxmin bıə kəsonku çand nəfəriku osə ğande iyən hamdardiş kardə.
Im vindemonədə, Ğalibaf işorəş karde: kişvəri əmniyyəti təmin kardey iyən de noəmni mığubilə kardeyədə polisi ğıvvə vey muhimmə rolış heste.
Əv ijən votışe: bəzi şəxson ım etırazonku sui-istifodə kardışone iyən ım etırazon bə vızməti, bə umumiyə molon və milləti molon zərəl ziyon iyən bə ğətl və ğarət səmti bardışone.
İroni İslamiyə Şura Parlamenti yol təkidış karde: ısət ki dəvardəku vey oşko bıə ki deşmon pidəşe etırazon bə iğtişoş, cinoyət iyən tojə DAEŞ soxtey səmti əvəz ko, millət tələbışon heste ki de həmonə kəson ki bə bıqınohə milləti con və mol təcavuz iyən cinoyət kardeşone və bənə DAEŞ ıştə cinoyəti kəşə filmon muntəşir kardən, bəpe de ğoym surətədə rəftor bıbu.
Bə Məhsa Əmini marqi bəhonə İronədə tojə iğtişoşon co kərə bois bıə ta İron İslam Respublika deşmonon ım fırsətiku istifodə kon və İroni daxıli koonədə mıdoxilə kon, və iğtişoşon har çəxtə əlovə beyro, qıləy təhrik bıbun.
Oxonə iğtişoşonədə Amerkə iyən bəzi siyasi yolon, çəvon mediyaon və ğərbi himoyə jintonədə deşmonon farsi zıvonon, qıləy ğəqinə hodisəku sui-istifodəşon kardə iyən de İroni millətihəxonku himoyə kardey şuar, iğtişoşqəronku himoyə və milləti əmniyyəti məhv kardey dumoədə bin, həminə cərəyoni cəvobədə həm çand milyon İroni millət kişvəri xiyabonon və meydononədə ıştə nizom iyən kişvəri homoyətışon kardə və de iğtişoşon ıştə muxalifəti nışoşon do.
