İron 2 - Uels 0, İronıjə ciqəmandə merdon fəxrinə səbarzəti.
Miladi 2022 minnə sori Ğətəri dınyo çempionat mısobiğəonədə, İroni futbol milli komanda ıştə 2minnə mısobiğədə, Uelsi mığobilədə muvəffəğ bıə 2 bə sıfır bə səbarzəti bırəsi.
Zinə cımə rujədə, Miladi 2022 minnə sori Ğətəri dınyo çempionat mısobiğəonədə, İroni futbol milli komanda ıştə 2minnə mısobiğədə de Uels komanda mısobiğə əncomış do.
De ım vucud ki Im hənəki iminnə nimədə İroni milli komanda vey çok iyən bəpe be və de muxtəlifə qol jəey şəroyeton icodış kardəş əmmo iminnə nimə de be qol iyən bərobər bə oxo rəsəş.
2minnə nimədə Uelsi komanda bəvoni de vızməti hərəkəti cərəyonədə hənəkiku bığandış bıə və çımiku bəpeşt İron həmçınon ıştən həmləon dəvomış do ta 2minnə nimə izofədə bıə zəmononədə de Ruzbe Çeşmi iyən Ramin Rezaiyan muvəffəğ bıə 2 bə sıfır ım mısobiğədə səbarz bıbu.
Seşəmbə rujədə İroni futbol milli komanda co qılə hənək de Amerkə mığubilədə bərpo bəbe.
