Qeneral Səlomi: Sistan və Bəluçıston, İronıjə ğəyrətmandə mırdon məntəğəy

İslamiyə İnğilobi Sepah Təşkilati fərmondə bəyonış karde ki Sistan və Bəluçıston, İronıjə ğəyrətmandə mırdon jimoni vırəy. Əv ijən təkidış karde: ım şərifəməntəğə, de şərofətin iyən kəroməti əholi, ğeyrətin iyən ciqəmandə millətış heste, həmonə kəson ki ım sərzəmini deşmonon muğabilədə həmişə ğoym mandən.

Zinə, bə Zahidani beynəlxalğə ayrporti varid bey zəmonədə, İslamiyə İnğilobi Sepah Təşkilati komandir, Qeneral Huseyn Səlomi votışe: Zahedani millət bə harcurnə ğədrdonəti iyən təşəkur, xıdmət, fidokorəti iyən conbozi loyğin ki ım sərzəmini əmniyyəti mudafiə və kəroməti oqətə kəsonin.

Bə İrna raporti əsos, İslamiyə İnğilobi Sepah Təşkilati komandir Bəsic haftədə bə Sistan və Bəluçıstani ostan ıştə səfəri hədəfi, de ım məntəğə milləton vindemon iyən sıhbət kardey elanış kardə.

Qeneral Səlomi həmçınin votışe: ım oləti bə tən kardemone ta İroni həmmə millətiro İslom ummətiro fidokorə əsqər bıbəmon və çəvon əmniyyət, oroməti, inkişof və yolə urzoon bə vırə rosniyero harçəxtə ki karde imkonış bıbu fədokorəti kəmon və İroni əzizə millətiro əcumlə Sistan və Bəluçıstoni millətiro, bəfodorə əsqər bıbəmon.