Ğalibaf: ticorəti rovnəğiro, Məkran qıləy mislış nıbıə fırsəte

İroni İslomi parlamenti rəis votışe: sahili ticorət iyən rovnəğədə, Məkran sahilon bənə vey mislış nıbıə məntəğə bəpe bəy diğğət bıbu.

Məkran, İron İslom Respublika cənub şərği sahilon, Cask məntəğəku tosə marzi sıfr noğtə şomol bəbe.

Təğribən 33 faiz İroni marzonku ovə məntəğəonku şomil bəbe və təğribən 800 kilometr ım marzon Şimolədə iyən 2000 kilometr həm ki Fars dıyo iyən Məkran sahilonku şomile İroni cənubədə ğərorış qətə.

Məkran sahilon sərost de ozodə ovon rabitəşe iyən de ım sahilonədə mucudə imkanatonku istifodə kardey vositə, karde bəbe iğtisodi inkişofi zəminəon icod bıbu.

Bə İrna raporti əsos, zinə, İroni İslom parlamenti rəis Muhəmməd Bağır Ğalibaf de İron İslom Respublika ərtışi dıyo ğıvvə komandir, Şəhram İrani və ım ğıvvə bəzi fərmondəhon vindemonədə dıyo ğıvvə ruj iyən dıyo ğıvvə şəhidon yolqətışe iyən əlovəş karde: ımruj stratejikə nəzədə, dıyo mıvzo veyə erjin iyən əhəmiyyət peydoş kardə.

Ğalibaf ijən bəyonış karde: bə dəvardəon diyə kardeyku tosə bə ısət, ım sahilonədə vey yolə sivilizasiya, cəmiyəti mərkəzon və iğtisodon, hərbiçion iyən mədəni və iğtisodi muxtəlifə baxşon vırə be əv ijən əlovəş karde: coqrafiya mıvğiyəti cəhəto, və dıyo iyən sahilon əhəmiyyəti kənoədə, və qeoplotiki cəhəto, İron vey mislış nıbıə dıyoon iyən hışkionış heste.

İron İslom Respublika perlamenti rəis ijən bə dıyo iğtisodi fırsəton işorə iyən təkidış karde: İron İslom Respublika ərtışi dıyo ğıvvə karde bəzne de ım sahilonku istifodə kardey veyə fırsəton icod bıko, çən lozime ki zərfiyəton de diğğət bıə kişvəri qeoploteqiya mıvğiyəti istifodə bıbu.

Yekşəmbə, Azərə manqi 7(Noyabrə manqi 28) Peykan nomo bıə rəket ğandə qədə hərbi kəşti koəkəyon ğəhrəmonəti iyən İron İslom Respublika ərtışi dıyo ğıvvə ruj be.