Ğalibaf : Movləvi Əbdulvahid dışmenon təfrığə eğandə hiyləon miyono əbi

İroni İslomiyə Şurə məclisi rəis qıləy mesajədə Xaş şəhrıstoni İmom Huseyn(ə) nomo məçiti İmom cəmaəti şəhodəti təsliyət voteədə əlovəş ka: muləvi Əbdulvahid dışmenon təfrğə icod bıkə fıtnəon betəsir əki.

Bə Tele Rədiyo xəbəon əsos İroni İslomiyə Şurəi məclisi rəis Muhəmməd Bağer Ğalibaf qıləy mesajədə nıvıştışe: muləvi Əbdulvahid Riqi qıləy məşhurə şəxsiyət be ki, cəmoəti tono çokə erj və ehtıromış hest bı və çok iyən ruşnə təcrobəonış bə və İnğilobi həmə mərhələonədə iyən mığəddəsə dıvran və çı ə dıvrəonədə ki, dışmenon cəhd kardə bin de kin kodorət və təsob şiyə və sınion səfədə ixtilof icod bıkən. dıştə tədbir iyən səy və cəhdi, fıtnəqərə hərəkəton be təsir əki.

Ğalibaf votışe: İroni kəşfiyat və əmniyətiyə mərkəzon təcili im cinoyəti əncom doəkəson pəydo və əvoni bə cəzo rosniyero hərəkət bıkən.