Ozod dəçıke beynəlxalğ kubokədə, İroni 2minnə vırə
Ozod dəçıke beynəlxalğə kubak ğəhrəmonəti rəğabəton oxonə mısobiğəonədə İroni ozod dəçıke milli komandə de Amerkə mığubilədə məğlub bey dınyoədə bə 2minnə vırə rəsə.
Bə İrna raporti əsos, ozod dəçıke beynəlxalğə kubak ğəhrəmonəti rəğabəton final ki bə Tehroni vaxti əsos, 3:30 saətiku Amerkə Ayova ştatədə İron və Amerkə komandəon miyono bino bıə be, mısobiğə oxoədə Amerkə de 6 bə 4 nıticə səbarzəti, dınyoədə ğəhrəmon bıə.
İroni ozod dəçıke milli komandə qrupi dıvrədə de 9 bə 1 iyən 6 bə 4 Yaponiya iyən dınyo vıjniyə bıə komandəon vədə səbarzəti bəpeşt bə final rəsə iyən co tərəfiku Amerkə qrupi mərhələdə de 7 bə 3 iyən 10 bə 0 muvəffəğ bıə be Muğolıston iyən Qurcıstoni komandəon məğlub kon.
Im rəğabəton final qıləy holədə bərpo bıə ki çımiku bənav, bəzi şəxson de qıvonə atmosferi icod kardey vositə pidəşon be ki de sıxənon iyən şuaroni vositə İroni ozod dəçıke milli komandə diğğəti məhv kon ki ım məsələ texniki kadr iyən dəçıkə aqət kəson be diğğəti bə ico be.
Həmçınin ım rəğabətonədə dınyo vıjniyə bıə komandə muvəffəğ bıə Qurcıstoni mığubiləde de 8 bə 2 nəticə səbarz bıbu iyən bə 3minnə vırə bırəse.
