Moləvi Əbdulvahid Riqi şəhodəti amilon dastqi bin

İroni Təsnim aqentiyəti Moləvi Əbdulvahid Riqi şəhodəti amilon dastqir beyku xəbəş do.

Bə Təsnim aqentiyəti raporti əsos, İroni kəşfiyot iyən əmniyyəti ğıvvon, İmom Huseyn(ə) nomo bıə məçiti sınnion cımə İmom, Moləvi Əbdulvahid Riqi şəhodəti amilon dastqirışon kardə.

Sistan-Bəluçestan ostani Xaş şəhrıstoni İmom Huseyn(ə)-i məçiti sınnion cımə İmom, Moləvi Əbdulvahid Riqi ki məntəğə iyən İroni Sistan və Bəluçıston ostanədə vey məşhurə moləvionku be, dəvardə haftə Pencşəmbə rujədə və no məlumə şəxson tərəfo, dızdiye iyən bə şəhodət rəsə.

Im Moləvi əcumlə şəxson be ki məntəğədə sulh iyən sazışi roədə ko əki iyən milləti bə oroməti dəvət kardey cəhəto vey təsirinə rolış be.