İron iyən Tırkiyə xarıci vəziron telefoni votımon

2 tərəfi iyən məntəğə muhimmə məsələon barədə İron iyən Tırkiyə xarıci vəziron de yande sıhbət kardışone.

Bə Mehr aqentiyəti raporti əsos, Huseyn Əmirəbdullahiyan zinə şəv de Movlod Çavuşoğlo telefoni votımonədə bə İron-Tırkiyə miyono bıə çokə həmkoəti işorə iyən iğtisod, ticorət, mədəniyət və co baxşonədə həmkoətion nığıləti barədə ıştə rizoyəti elan kardışe.

İroni xarıci vəzir bo reqional behronon həliro iyən məntəğədə sulh və əmniyəti bərpo karde xoto xususi Suriyədə siyasi prossesi dəvuniyey barədə bə İroni hozzıəti işarə iyən təkidış karde: fəğət məntəğə kişvəron nezə həmkoəti jintonədə bəbe ki zumand və stabil əmniyət cari bıbu.

Movlod Çavuşoğlo həm 2 tərəfi həmkoətion inkişof prossesiku ıştə rizoyəti elanış karde və təkidış be ki İron iyən Tırkiyə miyono bıə həmkoətion inkişof bə məntəğə əmniyəti reytinqi rost bey bois bıə.

Tırkiyə xarıci vəzir de İron reqional həmkoəti əlovə bey qıləy kontruktivə koy bə hisobış varde.