Tehroədə "İroni çılə, qlobal Yəlda" festivali bərpo bey.

Pozə fəsli oxonə rujon və bə Yəlda şəvi rəsey rujonədə, Tehroni yolə şəhri Lalə hoteli məydoniku qıləy baxşədə, "İroni çıllə, qelobal Yəlda" festival iyən nımoyeşqoh bərpo bey holədəy.

Bə İran Peres aqentiyəti raporti əsos, Yunesko qelobal irson siyohədə Yəlda şəvi mərosimi ğeyd bey dumoədə, Tehronədə "İroni çıllə, qelobal Yəlda" festival iyən nımoyeşqoh bərpo bıə iyən bə İroni sərzəmini vey erjinə mədəniyət və adət-ənəon meylışon bıə kəson və turizmon iyən həmmə milləton mizbon heste.

"İroni çıllə, qelobal Yəlda" festival iyən nımoyeşqohədə muxtəlifə dasti sənaye, İroni dastbofti fərş iyən kilim, Yəlda şəvi vey muhimmə mivəon bənə zımıstoni iyən əno nə nımoyeş omə.

"İroni çıllə, qelobal Yəlda" festival iyən nımoyeşqoh bə 10 ruji mıddət yəni Milodi 2022 minnə dori Dekabrə manqi 12 tosə 21 minnə ruj tosə Yəlda şəvi qelobal iyən kanə şoə mərosimi şəv, Tehronədə bərpo bey holədəy.

Im rujonədə İronıjon vojorədə deştə iştiroki vositə, Yəlda şəvi şoə mərosimiro ıştə ləvozimon hozzo kardedən ta yolə dədəon iyən yolon kəonədə de qırdə bey vositə, ım kanə mərosimi yol bıqəton.