İslomi inğilobi sistem, jenon barədə çı ğərbion məntıği vədə problemi bois bıə

Tehroni cımə nımoji xətib votışe: İroni islomiyə inğilob bəşəriyəti jimonədə, jenonro tojə diyə bə ərməğanış varde iyən jenon ərsə iyən meydonədə tojə dəvəşə təhəvulati bois bıə.

Huccətul İslom Muhəmməd Cəvad Hac Əli Əkbəri zinə və Tehroni cımə nımoji xotbəonədə moasir caheliyəti ki de Amerkə və sionist rejimi rəhbəriyəti bənav şedə, çı jenon şəxsiyəti məhvəkə zınəş be və votışe: de İRoni islomi nizomi bərəkət, həmonə anti jenə hərəkəton ki şah rejimi zəmonədə bino bıən və hətto ım rejimi bərnoməonədə həm rəsmən bəy istinod əbi, sə kardə bəy.

Tehroni zinə ruji cımə nımoji xətib əlovəş karde: İRoni jenon de bə Həzrəte Zəhra(s) məktəbi təkyə karde, jen və ailədə bıə moasir cohiliyəti bə muhakimə mizi vardışone ki çoknə tole torixədə de həmonə pesoxtə bıə simvolon bə jenon ələyh anədə cinoyəti mortəkib bıən.

Hac Əli Əkbəri bə deşmonon xəbidə plani, İroni milləti miyono dave və ixtilof icod karde işorə və əlovəş karde: şeytoni dıvlət iyən təşkilaton xususi Amerkə və İnqilisi xəbisə siyoh dimə rejimon ko iştimaiyətədə dave iyən dejmon mədəniyyəti hevuj kardeye.

Əv çı deşmoni plani məğlub bıə hərəkət zınəş be və təkidış karde: bə İRoni ələyh ğərbi, ərəbi və eberi tojə tərkibi plani əsli səbarz bıə tərəfon İroni bəsirətinə millətin.

Tehroni cımə nımoji xətib xutbədə bə şəhid Hac Ğasım Suleymani şəhodəti 3minnə sorəqardış iyən Həzrəte İsa(ə)-i milad ruji sorəqardışi dəme həm işorəş karde.