De Xanım Həzrəte Fatimə Zəhra(s) şəhodətə ruji mınosibəti səbəsəloməti.
Imruj Milodi 2022 minnə sori Dekabrə manqi 27 iyən Hicri Ğəməri 1444 minnə sori Cəmadiul Əl-Sani manqi 3 minnə ruje, bə təğvimi əsos, ımruj de Xıdo Rəsul(s) qiramiyə kinə və dınyo şiəyon 1minnə İmom Həzrəte Əli(ə) qiramiyə həyot həmro şəhodəti sorqərdışi bərobəre.
De Həminə matəmə əyyami mınosibəti çı Əhli-beyt(ə)-i aşiğon zinə şəvədə şiəyon 8-nə İmom Həzrəte Rıza(ə) iyən Ğomədə bıə Xanım Məsumə(s) pokə hərəmon iyən co vırəonədə bıə məçidon Huseyniyəonədə əzodorəti mərasimon bino kardəşone.
Həzrəte Fatimə Zəhra(s) Beesəti 5-minnə sor Cəmadius-Sani 20 minnə ruj, Məkkəədə bə dınyo omə.
Ə Həzrət Hırdənəti faxtiku ıştə qiramiyə dədə Həzrəte Muhəmməd(s) hidoyəton jentonədə de İlahi məarif oşno be, ijən ıştən çı Xıdo dərqah məxsusə bandəon və İlahi elmon sərçəşmə be.
Həzrəte Fatimə Zəhra(s) jimoni həmmə ləzəonədə isor, səbr, qızəşt, qinoət, səxavət, Xıdo ibadət iyən bə fəğıron komək kardeyədə aliyə nımonəon moşahidə kardənine, ijən vey yolə tarix soxtə bıə şəxsiyətoni bənə İmom Həsən(ə) iyən İmom Huseyn(ə)-i tərbiyəş karde.
Oxo ə Həzrət 18 sor jimoni bəpeşt çandə bə zəmonə hakimon zılm və sitəm iyən ıştə qiramiyə dədə Muhəmməde Mıstəfo(s) bəfoti dard-ğəmi xoto de bəzi rəvayəton bərobər Hicri Ğəməri 11-nə sori Cəmadiul Əvvələ manqi 13 iyən bə co rəvayəton əsos Cəmadius Sani 3 ədə şəhid be.
İroni Rəşt şəhri Tolışi Rədio tərəfiku çı Xanım Həzrəte Fatimə Zəhra(s) şəhodəti sorqardışi bəşımə səbəsəloməti və təsliyət ərz kardədəmon.
