İronıjə xanım bənə dınyo vey barzə kuraş vazışkori elan be

de kuraş beynəlxalğə onemoni rəsmi elani, İronıjə varzışkorə xanım bənə ımsornəsori dınyo vey barzə jenə kuraş hənəkəkə vıjniyə bəy.

Bə İrna raporti əsos, 87 kilo vəznədə İronıjə xanımə varzışkor iyən kuraş varzışədə hənəkəkə Fatimə Bərməki ki Hindustanədə bıə ımsornəsori dınyo ğəhrəmonəti rəğabətonədə ğızıl medali kəsbış kardə iyən tojədən Tacikıstoni rəğabətonədə həm ğəhrəmon bıə be, tojədən bənə 2022 minnə sori dınyo vey barzə jenə kuraş hənəkçi və varzışkori elan be.

İronıjə xanım, Fatimə Bərməki məxsusə mukafat Tırkəmənistonədə bıə 2023-ə sori dınyo çempionatədə bəy təğdim bəbe.

Kuraş bənə məhəli kışti varzışi heste ki miyonə Asiya ğovmon xususi Tataron miyono rəvujine iyən bənə uşu varzışi mandəy.