"Şəhid Suleymani məktəb" nomo bıə beynəlxalğə iminnə iclos,de Tehroni mizbonəti

Tehronədə, "Şəhid Suleymani məktəb" nomo bıə beynəlxalğə iminnə onemoni bərpo bəbe.

Im haftə Çoşəmbə iyən Pencşəmbə rujonədə, Tehronədə "Şəhid Suleymani məktəb" nomo bıə beynəlxalğə iminnə onemon de "Şəhid Suleymani, muğaviməti qlobal ğəhrəmon" şuari bərpo bəbe.

Bə İran Peres aqentiyəti raporti əsos, zinə Şəmbə, "Şəhid Suleymani məktəb" nomo bıə beynəlxalğə iminnə onemoni sərkatib, Huseyn Əkbəri votışe: dəvardə sorədə ım onemon de milli surətədə və de "Şəhid Suleymani iyən İslomi sivilizasiya" onvani bərbo bıə be, və ımsor beynəlxalği ğolibədə və de  "Şəhid Suleymani, muğaviməti qlobal ğəhrəmon"  onvan bərpo bəbe.

Əkbəri ijən əlovəş karde: ım onemoni iminnə ruj, Dey manqi 14 çoşəmbə ruj, və Dey manqi 15 Pencşəmbə ruj ım iclosi 2 minnə ruji onemon, Tele Rədio onemonon salonədə və de muğaviməti mehvəri rəhbəronku kali(Livan iyən Suriyə), hamsuyə kişvəron (İrağ və Əfğanıston) iyən daxıli rəsmi şəxson bərpo bəbe.

 "Şəhid Suleymani məktəb" nomo bıə beynəlxalğə iminnə onemoni sərkatib həmçınin votışe: ım onemonədə, 230 qılə muxtəlifə məğalə de Farsi, ərəbi iyən İnqilisi zıvonon surətədə, iroə bəbe.

 "Şəhid Suleymani məktəb" nomo bıə beynəlxalğə iminnə onemoni oj bemon mərosimədə, Parlamenti rəis, Muhəmməd Bağır Ğalibaf natığ bəbe və çəy 2minnə rujədə həm İroni xarıci vəzir, Huseyn Əmirəbdullahiyan ım mərosimi bastemoni natiğ bəbe.