Kəşfiyot vəzir: şəhid Suleymani məktəb, muğaviməte

İron İslom Respublika kəşfiyot vəzarətxonə təkidış karde: şəhid Suleymani məktəb, muğaviməte və əv karde zınəş ki qlobal soxtey və ğudrət ki dınyo istikbor çəy dumoədə be, məğlub ko.

Milodi 2020 minnə sori Yanvari 3 minnə rujədə, İslomiyə İnğilobi Sepah Təşkiloti Ğuds nomo bıə ğıvvə nakonə komandir, Sərdor Ğasım Suleymani qıləy holədə ki bə İraği rəsmi şəxson rəsmiyə dəvəti əsos bə ım kişvər dəvətış kardə be, Bəğdadi airporti nezədə Amerkəvıjə terrorist iyən mıtəcuvizə ğıvvon həvoiyə həmlə cərəyonədə, və de İraği milləti bəsici yoli muavin Əbuməhdi Əlmuhəndes iyən 8 nəfər çəy canqəkəyon bə ico şəhd bıə.

Qeneral Ğasım Suleymani şəhodəti sorəqardışi astanədə, İroni kəşfiyot vəzir votışe: Şəhid Suleymani məktəb karde zınəş ki məntəğə və dınyoədə, islomiyə inğilobi pevlo kardeyro həmmə roon oj ko.

Bə İran Peres aqentiyəti raporti əsos, kəşfiyot vəzir, təkidış karde ki ımruj dınyoədə islomiyə inğilobi nıfuzi şoydəmon. əv ijən əlovəş karde: muğaviməti mehvər hevuj bey holədəy, və umidımon heste ki Afriqa iyən Avropaədə hevujəti soyb bıbəmon.

Kəşfiyot vəzir ijən təsdiğış karde: Qeneral Ğasım Suleymani məktəb, əğıl iyən muğavimətiku qətə bıə.