Vilayəti votışe: İroni rəketiyə bərnoməon mudafiə sahədə bərnoməonin.

Çı İroni nizomi məslehəti təyin əkə şura stratejikə təhğiğon mərkəzi rəis votışe: İron ıştə kişvəriku mudafiə karde sahədə bə rəketiyə bərnoməon dəvom dodə.

Bə İrna raporti əsos İroni nizomi məslehəti təyin əkə şura stratejikə təhğiğon mərkəzi rəis Əli Əkbər Vilayəti Marti 1 ədə bə jurnaliston votışe: İron islam respublika hiç faxt ıştə rəkıtiyə bərnoməon icra kardero hiç kəsiku icozə ni bəqəte ijən çəmə mudafiə rəkıtiyə bərnoməonbə bə Amerika dəxlış ni.

Əli Əkbər Vilayəti təkidış kardə: İron islam respublika hiç faxti jıqo təbliğiyə fişaron jentonədə təslim ni bəbe və bəştə təyin bıə hədəfon əsos har zəmon ki lozim bıbu co reəkton həm imtovon bəkay.

İroni yolə rəhbəri məxsusə məslehətçi bə ım nuktə işorəş kardə ki Amerkə pidəşe dınyo milləton dılədə çand poəti ijən təfrığə icod bıkə ijən təkidış kardə: İron islam respublika subutış kardə ki həminə bevəcə təbliğon jenətonədə ijən çandə bə İroni əleyh mənfiyə sima və obrazi nışo doe xoto meydoniku xaric ni bəbe bəlkəm har ruj de veyə ğudrət bəştə inkişof və ozavziye dəvom dodə.

İroni rəketiyə muvəffəğə bərnoməon çın islamiyə nizomi deşmənon məxsusən Amerkə kişvəri rəsmion anə əsəbinış kardə ki həddış ni əmmo İroni rəsmion həmişə təkidışon kardə ki çəmə rəkıtiyə ğudrət fəğət kişvəri mudafiə doktorinə sahədə əncom bıdə.