İronədə bo dini kamə qrupon vığandə bıə xidməti heyət

De miladi nuyə sori dəme həmzəman və bə məsihiyon ehtron noey çərçivədə İroni 3 qılə ostanonədə i minnə kərə bo dini etnik qrupon xidmət heyəton vığandə bıə.

Bə İRİB raporti əsos, həminə çərçivədə ın heyət bə Tehroni Muğəddəsə Vartan nomo kilsədə şe və de dini etnik qruponku nımoyəndəon vındımon karde kənoədə İroni prezident İbrohim Rəisi mesaj və səlomi bə məsihiyon rosnişe.

Tehroni ostandar və İroni islomi şura parlamenti bəzi nımoyəndəon ijən çandə çı İron və Tehroni məşhur yepiskofon həminə vindemonədə iştirok kardışone.

Həminə vindemoni əvvələdə dıvo və Rəbbani məxsusə mərosim bərpo be.

Həmzəman çı Tehron, İsfəhon və Ğərbi Azərbaycan ostanonədə həm dini etnik qrupon xususi məsihiyon şahrvandəti problemon həlliro həm xidmet heyəton 2 rujiro bə ko məşğulin.

De tərtibi məsihiyon Tehroni Vartan, İsfəhoni Ararat iyən Urumiyə Aşuriyon zavotədə çı İroni məsihiyon ehtimoli problemon həlliro şahrvandon muraciə və de xidmət heyəton vindemoniro iştiroki şəroyet hozzı bıə.