İroni Yolə Rəhbər: dışmoni komilə paln məğlub be

Xanım Həzrəte Fatimə(s) milad ruji astanədə İroni Yolə Rəhbər de Əhli-Beyt(ə)-i məddahon iyən şairon vindımonədə hamiyəşe: dışmonon komilə plan məğlub bıə boçi ki çəvon hisob-kitob səhv be.

İroni Yolə Rəhbər ımruj de Əhli-Beyt(ə)-i məddahon iyən şairon vindımonədə Sediğe-Kobra(s) məhəbbət iyən irodəti jimoni şəxsi və umumi jimonədə vey təsirin zınəş be və votışe: mədohi çı şiə irs və qıləy mırəkkəbə hınə heste ki xoşə sədo, çokə çer, mınosibə ohənq və fəxrinə mıhtəvoku icod bıdə və bəpe bənə dini co erjinə mətnon çəy həmmə baxşon ğəşənq bıbu.

Həzrət Ayətullah Xamenei təkidış karde ki qıləy kişvəri xərobə karde iyən koonədə problem eğandeyro dışmon həmmə lozimə amilonku istifodəş karde, əv izhorış karde: əmniyəti amin, cəsusə qrupon nufuz,de muxtəlif təbliği şivəon istikbori tərəfo İrono fobiya ğil-ğal, daxıli bəzi amilon cazb karde, ğovmi, məzhəbi, siyasi iyən şəxsi təhrikon ijən hevujə təbliğ əcumlə coqılə xərobəkə koy be ki çand manq çimiku bənav əvoni fəaal kardışon.

Ə həzrət bə yodış varde: bənə qıləy nazir, ıştə dılədə dışmoni ın çokə muhəndesi təhsin iyən tərif kardəm boçi ki çəvon plan dəğiğ və bəştə miğdori əsos hozzo be əmmo de ın plani ki har hişvərədə təsirış bəbe əmmo İronədə muvəffəğ nıbin, boçiki çəvon hisob-kitob səhv be.

Həzrət Ayətullah Xamenei əlovəş karde: xəyol kardedə bin ki bə iğtisodi problemon xoto İroni millətde çəvon peqardımon iyən separatçiyə plani bə ico bəben.

Əv votışe: jığo xəyol əkardin ki de dıjmoni iyən muxtəlif təhğiromizə koy rəsmi şəxson izolasiya və əvoni meydoniku xaric karde bəznın, ya xod de vəsvəsə iyən ğil-ğalon ali rəsmi şəxson miyono ixtilof icod karde bəbe, ya ım ki de Amerkə flon muzdurə kişvəri nati dollaron çı İroni irodəonədə təsir icod karde bəznın.

İroni Yolə Rəhbər təkidış karde: xəyol kardedə bin ki de çand qılə xəyonətkorə kəson bə co kişvəron pənohəndə bey iyən anti İron çırkinə sıxanon bəyon kardey çəmə cıvonon nomid bəben, və hol ımki səhv kardışone iyən hiç kəs bə əvon eteno nıkardışe.

Həzrət Ayətullah Xamenei əlovəş karde:  40 sor bəbe ki de har metodi bə İroni zidd koon bənav bardedən əmmo çumçiku ki çəvon hisob-kitob səhv be tosə bə ısət məğlub bin və taleədə həm məğlub bəben.

Ə həzrət işorəş karde ki dışmoni hisob-kitobi səhv bey bəpe əməni bə ğiflət dıço karde bois nıbu və hamiyəşe: əmə həm bəpe mığət bıbəmon, bəpe jığo nıbu ki ğafil bıbəmon və bıvotəmon ki ğəziyə sə be! bəkləm bəpe meydonədə bımandəmon iyən bəzonəmon ki umu iyən milli vəhdət çı milləti oqətey amilonin.