Həzrət Zəhra(s) şəhodəti əzadariyə mərasim inğilabi yolə rəhbəri huzurədə.
İslami inğilabi yolə rəhbər iyən president və ironi rəsmi şəxson iyən mıxtəlif qruponku bıə cəmaəti çandəhəzo nəfəriyə huzuri həzrət Fatimə Zəhra(s) şəhodəti mərasim zinə şanqo mərhum imom Xomeyni huseyniyədə bərpo be.
Im mərasimədə huccətul islam vəlmuslimin Pənahiyan ıştə sıxanonədə de istikbar mubarizə barde bə ədoləti tərəf hərəkət və şəhodət tələb kardeş əcumlədə ictimaiyyəti siyasiyə mədəniyyətış zınə və əlavəş karde həzrət Fatimə Zəhra(s) ictimaiyyəti siyasiyə vəziyyəti bə ğaidə eğandeyu veyə fidakarətiş əncum doə.
ım mərasimədə həmçinin mərsiyə handəkəson həzrət Siddiğə Kubra(s) əzadarətiyu mərsiyə və nohəşon hande.
zinə hicri ğəməri 1438 nə sori cəmadiulsani 3 minnə ruj Xıdo peyğmbər həzrət Muhəmməd(s) əzizə kinə və dınyo şiəyon 1 minnə imom Əmiremuminon Əli İbne Əbitalib(ə) həyathəmro həzrət Fatimə Zəhra(s) şəhodəti sorqardımon be.
həzrət Fatimə Zəhra(s) şəhodəti sorqardımonədə ironi həmmə vıron əcumlədə ironi şimal şərğ Məşhəd şəhrədə dınyo şiəyon 8 nə imom həzrət Əli İnbi Musərrıza(ə) hərəm iyən Ğom mığəddəsə şəhrədə həzrət Fatimə Məsumə(s) hərəmədə matəmə mərasim bərpo be.
